ગણતંત્ર દિવસના ઔપચારિક સમાપન પ્રસંગે આજે બિટિંગ ધ રીટ્રીટનું આયોજન

ગણતંત્ર સમારંભ અંતર્ગત આજે સાંજે  વિજય ચોક ખાતે બિટિંગ ધ રીટ્રીટ સમારંભનું આયોજન થશે. તેમાં રાષ્ટ્રપતિ રામનાથ કોવિંદ અને સશસ્ત્ર દળોના સર્વોચ્ચ કમાન્ડર સામેલ થશે. પ્રધાનમંત્રી નરેન્દ્ર મોદી અને સંરક્ષણ મંત્રી રાજનાથ સિંહ સહિતના અગ્રણીઓ પણ સમારંભમાં ઉપસ્થિત રહેશે. મેક ઇન ઇન્ડિયાના થીમ સાથે આ કાર્યક્રમનું સંપૂર્ણ આયોજન કરવામાં આવ્યું છે. આ વર્ષે 1000 સ્વદેશી ડ્રોન બિટિંગ ધ રીટ્રીટ સમારંભમાં રોમાંચ ભરશે.

ડ્રોન આ વખતના સમારોહનું મુખ્ય આકર્ષણ રહેશે. આઝાદીના અમૃત મહોત્સવ' તરીકે ઉજવવામાં આવતા આઝાદીના 75 વર્ષની ઉજવણી નિમિત્તે પ્રથમ વખત, ડ્રોન શોને સમારોહનો એક ભાગ બનાવવામાં આવ્યો છે. આ ડ્રોન શોનું આયોજન સ્ટાર્ટઅપ 'બોટલેબ ડાયનેમિક્સ' દ્વારા કરવામાં આવ્યું છે. આ શો 10 મિનિટનો હશે જેમાં સ્વદેશી ટેક્નોલોજી દ્વારા બનાવાયેલા લગભગ એક હજાર ડ્રોનનો સમાવેશ થાય છે. ડ્રોન શો દરમિયાન બેકગ્રાઉન્ડ મ્યુઝિક પણ વગાડવામાં આવશે.

ભારતીય આર્મી, નેવી, એરફોર્સ અને સેન્ટ્રલ આર્મ્ડ પોલીસ ફોર્સના બેન્ડ દ્વારા વગાડવામાં આવતા ફૂટ-ટેપિંગ મ્યુઝિક સાથે કુલ 26 પરફોર્મન્સ દર્શકોને આકર્ષિત કરશે. એન્ટ્રી બેન્ડ માસ બેન્ડ હશે જે 'વીર સૈનિક' ટ્યુન વગાડશે. આ પછી પાઇપ્સ એન્ડ ડ્રમ્સ બેન્ડ, CAPF બેન્ડ, એરફોર્સ બેન્ડ, નેવલ બેન્ડ, આર્મી મિલિટરી બેન્ડ અને માસ બેન્ડ દ્વારા અનુસરવામાં આવશે. સમારોહના મુખ્ય વાહક કમાન્ડર વિજય ચાર્લ્સ ડી'ક્રુઝ હશે.

આ ઉપરાંત, 'આઝાદી કા અમૃત મહોત્સવ'ની ઉજવણીના સમારંભમાં અનેક નવી ધૂન ઉમેરવામાં આવી છે. જેમાં 'કેરળ', 'હિંદ કી સેના' અને 'એ મેરે વતન કે લોગોં'નો સમાવેશ થાય છે. 'સારે જહાં સે અચ્છા'ની સદા લોકપ્રિય ધૂન સાથે આ પ્રસંગ સમાપ્ત થશે.

બીટિંગ ધ રીટ્રીટ' એ સદીઓ જૂની લશ્કરી પરંપરા છે જે સૂર્યાસ્ત સમયે સૈનિકો યુદ્ધમાંથી છૂટા થઈ ગયા હતા ડ્રમબીટ્સ એ દિવસોને યાદ કરે છે જ્યારે નગરો અને શહેરોમાં સૈનિકોને સાંજે નિયત સમયે તેમના ક્વાર્ટરમાં પાછા બોલાવવામાં આવ્યા હતા.