પશ્ચિમ બંગાળમાં આજે ભાજપના દિગ્ગજ નેતા અને સ્ટાર પ્રચારક અમિત શાહ પ્રચાર કરશે

તેમની જાહેર સભા ઘાટલના ડેબરા ખાતે બપોરે 12:30 કલાકે યોજાવાની છે

ભારતીય જનતા પાર્ટી (BJP) ના દિગ્ગજ નેતા અને કેન્દ્રીય ગૃહ અને સહકાર મંત્રી અમિત શાહ આજે પશ્ચિમ બંગાળમાં પ્રચાર કરશે. ભાજપે પોતાના X હેન્ડલ પર દિગ્ગજ નેતા અને કેન્દ્રીય ગૃહ મંત્રી અમિત શાહના આજના ચૂંટણી પ્રવાસનો કાર્યક્રમ શેર કર્યો છે. આ લોકસભા ચૂંટણી 2024 માં વડાપ્રધાન મોદીના 400  પાર કરવાના લક્ષ્‍યાંકને પૂર્ણ કરવા માટે શાહ દિવસ-રાત જોરશોરથી પ્રચાર કરી રહ્યા છે.

બીજેપીના એક્સ હેન્ડલ મુજબ, સ્ટાર પ્રચારક અમિત શાહ આજે સવારે 11 વાગ્યે કાંઠી લોકસભા મતવિસ્તારના ઇટાબેરિયામાં જાહેર સભાને સંબોધશે. અહીંથી તેઓ ઘાટલ લોકસભા ક્ષેત્ર તરફ જશે. તેમની જાહેર સભા ઘાટલના ડેબરા ખાતે બપોરે 12:30 કલાકે યોજાવાની છે. ઘાટલથી તેઓ પુરુલિયા લોકસભા મતવિસ્તાર પહોંચશે. તેઓ બપોરે 2:30 વાગ્યે પુરુલિયાના સંથાલી બિરસા ચોકમાં પાર્ટીની જાહેર સભાને સંબોધિત કરશે. આ પછી શાહ સાંજે 4 વાગ્યે બાંકુરા લોકસભા ક્ષેત્રમાં રોડ શો કરશે.