પાંચમી ટેસ્ટ મેચનો પ્રથમ દિવસ સમાપ્ત

ક્રિકેટમાં આજે ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમ ખાતે શ્રેણીની પાંચમી અને અંતિમ ટેસ્ટ મેચનો પ્રથમ દિવસ સમાપ્ત થયો છે. આ મેચનો પ્રથમ દિવસ ભારતીય સમય અનુસાર સવારે 9.30 વાગ્યે શરૂ થઈ હતી. ભારતીય ટીમે પહેલાથી શ્રેણીમાં 3-1ની અજેય સરસાઈ મેળવી લીધી છે. ઉલ્લેખનીય છે કે ધર્મશાલાનું સ્ટેડિયમ દેશના તમામ આંતરરાષ્ટ્રીય સ્થળોમાં સૌથી વધુ ઊંચાઈ પર છે અને હિમાચલ પ્રદેશમાં માર્ચની શરૂઆતમાં હવામાનની સ્થિતિ તેને વધુ રસપ્રદ બનાવે છે.

ભારત અને ઇંગ્લેન્ડ વચ્ચે રમાઈ રહેલી ટેસ્ટ સિરીઝની પાંચમી અને છેલ્લી ટેસ્ટ મેચના પ્રથમ દિવસે ઇંગ્લેન્ડની ટીમ 218 રનમાં ઓલ આઉટ થઈ ગઈ. ભારતીય બોલરો દ્વારા સારું પ્રદર્શન કરવામાં આવ્યું. કુલદીપે 5 વિકેટ ઝડપી જ્યારે અશ્વિને 4 વિકેટો ઝડપી છે. અશ્વિન તેમની કારકિર્દીની 100મી ટેસ્ટ રમી રહ્યાં છે. જોકે ભારતે 3-1ની લીડથી આ સિરીઝ પહેલા જ પોતાના નામે કરી લીધી છે. પ્રથમ દિવસના અંતે ભારતે 1 વિકેટના નુકસાને 135 રન બનાવ્યા.