પ્રકાશ જાવડેકરે કોંગ્રેસની કરી ટીકા, કહ્યું, 'ખેડૂતોને ગેરમાર્ગે દોરી રહી છે કોંગ્રેસ'

કેન્દ્રીય મંત્રી પ્રકાશ જાવડેકરે પત્રકાર પરિષદને સંબોધતા કહ્યું હતું કે ખેડુત આંદોલનમાં પોતાનો રાજકીય રોટલો શેકવાનું કામ કરતી કોંગ્રેસ આજે ખુલ્લી પડી ગઇ છે. કોંગ્રેસ જે કામ કરી રહી છે તે નિંદનીય છે.

તેમણે કહ્યું કે કોંગ્રેસ બેવડી નીતિ અપનાવે છે. જ્યારે ચુંટણી સમયે કોંગ્રેસના ઢંઢેરામાં જે વચનો અપાયા હતાં. તે જ બીલો લાવીને સરકારે પાસ કરાવવાની પ્રક્રિયા હાથ ધરી છે. હાલ ખેડુતોને ગેરમાર્ગે દોરવામાં આવી રહ્યાં છે. જે કોંગ્રેસની બેવડી રાજનીતિ છે.

તેઓ ટ્રકમાં ટ્રેકટર લાવી ઇન્ડિયા ગેટ પાસે સળગાવે છે. તેમની આવી રાજનિતીનું રહસ્ય ખોલનાર મિડિયાને તેમણે બિરદાવ્યાં હતાં. કેન્દ્રીય મંત્રીએ ઉમેર્યું હતું કે ખેડુત હવે સમજી ચુક્યાં છે જેથી તેઓ હવે ગેરમાર્ગે દોરાશે નહી.