પ્રધાનમંત્રીએ ઈકોનોમિક ઝોન્સ માટે મલ્ટિ મોડલ કનેક્ટેવિટી સંબંધીત નેશનલ માસ્ટર પ્લાનની તૈયારીઓની કરી સમીક્ષા

પ્રધાનમંત્રી નરેન્દ્ર મોદીએ સોમવારે વિવિધ ઈકોનોમિક ઝોન્સ માટે મલ્ટિ મોડલ કનેક્ટેવિટી ઉપલબ્ધ કરાવવા સંબંધીત નેશનલ માસ્ટર પ્લાનની તૈયારીઓની સમીક્ષા કરી હતી. આ બાબતે પ્રધાનમંત્રી નરેન્દ્ર મોદીએ ટ્વિટ દ્વારા જણાવ્યું હતું કે, આ એક મહત્વુપૂર્ણ પગલું છે, જેનાથી દેશમાં ઉત્પાદન વધશે. ઈન્ફ્રાસ્ટ્રક્ચર મજબુત થશે અને આર્થિક પ્રગતિ થશે તેમજ યુવાઓ માટે તક વધશે. આ બેઠકમાં નાણામંત્રી નિર્મલા સીતારમણ, રેલવે તેમજ ઉદ્યોગમંત્રી પિયુષ ગોયલ અને નાગરિક ઉડ્ડયન મંત્રી હરદીપસિંહ પુરીએ પણ ભાગ લીધો હતો. ઉલ્લેખનીય છે કે, પ્રધાનમંત્રી નરેન્દ્ર મોદીએ આ વર્ષે સ્વતંત્રતાના દિવસે પોતાના સંબોધનમાં ઈન્ફ્રાસ્ટ્રક્ચરના વિકાસ પર ખુબજ ભાર મુક્યો હતો. પ્રધાનમંત્રી નરેન્દ્ર મોદીએ આ માટે સમગ્ર દેશને મલ્ટી મોડલ કનેક્ટિવીટી ઈન્ફ્રાસ્ટ્રક્ચર સાથે જોડવાની વાત કરી હતી.