પ્રધાનમંત્રીએ તમિલનાડુમાં 11 નવી મેડિકલ કોલેજોનું કર્યું ઉદ્ઘાટન 

પ્રધાનમંત્રી નરેન્દ્ર મોદીએ આજે વીડિયો કોન્ફરન્સનાં માધ્યમથી તામિલનાડુમાં 11 નવી મેડિકલ કોલેજ તેમજ કેન્દ્રીય શાસ્ત્રીય તમિળ સંસ્થાનના નવા સંકુલનું ઉદ્ઘાટન કર્યું હતું. વર્ચ્યુઅલી યોજાયેલા આ કાર્યક્રમને સંબોધતા પ્રધાનમંત્રી નરેન્દ્ર મોદીએ જણાવ્યું હતું કે, આ નવી 11 મેડિકલ કોલેજો શરૂ થવાથી રાજ્યમાં MBBS ની1,450 જેટલી બેઠકોનો વધારો થશે. દેશમાં સસ્તી આરોગ્ય સેવા પૂરી પડવાની દિશામાં આ એક મહત્વપૂર્ણ પગલું છે. આરોગ્યની બુનિયાદી સુવિધાઓમાં સુધારો કરવાના પ્રધાનમંત્રીનાં દ્રષ્ટિકોણને અનુરૂપ આ પગલું છે. નવી કોલેજો એવા જિલ્લામાં સ્થાપવામાં આવી છે જ્યાં આ અગાઉ મેડિકલ કોલેજની સુવિધાઓ ઉપલબ્ધ ન હતી.