પ્રધાનમંત્રી નરેન્દ્ર મોદીએ ઝારખંડના પાકુડમાં બનેલી બસ દુર્ઘટના અંગે શોક વ્યક્ત કર્યો, પીડિતો માટે PMNRF માંથી આર્થિક સહાય મંજૂર

પ્રધાનમંત્રી નરેન્દ્ર મોદીએ ઝારખંડના પાકુડમાં બનેલી બસ દુર્ઘટનામાં થયેલા લોકોનાં મોત અંગે શોક વ્યક્ત કર્યો છે. તેમણે ઘાયલો ઝડપથી સ્વસ્થ થાય એવી પ્રાર્થના કરી. આ અકસ્માતમાં જેમણે જીવ ગુમાવ્યા એ દરેક વ્યક્તિના નજીકના પરિજન માટે પીએમએનઆરએફમાંથી રૂ. 2 લાખની આર્થિક સહાય મંજૂર કરવામાં આવી છે. જ્યારે ઘાયલોને રૂ. 50000 આપવામાં આવશે એમ પ્રધાનમંત્રી કાર્યાલયે જણાવ્યું હતું. શ્રેણીબદ્ધ ટ્વીટ્સમાં PMO એ કહ્યું; “હું ઝારખંડના પાકુડમાં બનેલી બસ દુર્ઘટનાથી દુઃખી છું. આ દુઃખદ ક્ષણે શોકગ્રસ્ત પરિવારો પ્રત્યે સંવેદના. ઘાયલો ઝડપથી સ્વસ્થ થાય એવી કામના કરૂં છું. “પ્રત્યેક પીડિતને પીએમએનઆરએફમાંથી આર્થિક સહાય રૂ. 2 લાખ આપવામાં આવશે.”