પ્રધાનમંત્રી નરેન્દ્ર મોદી 15 જુલાઈએ અબુ ધાબીની મુલાકાત લેશે

અબુ ધાબીના શાસક એચએચ શેખ મોહમ્મદ બિન ઝાયેદ અલ નાહયાન સાથે વાતચીત કરશે.

પ્રધાનમંત્રી નરેન્દ્ર મોદી 15 જુલાઈએ અબુ ધાબીની મુલાકાત લેશે. પ્રધાનમંત્રી UAEના પ્રમુખ અને અબુ ધાબીના શાસક એચએચ શેખ મોહમ્મદ બિન ઝાયેદ અલ નાહયાન સાથે વાતચીત કરશે. ભારત-યુએઈ વ્યાપક વ્યૂહાત્મક ભાગીદારી સતત મજબૂત થઈ રહી છે અને પ્રધાનમંત્રીની મુલાકાત ઊર્જા, શિક્ષણ, આરોગ્યસંભાળ, ખાદ્ય સુરક્ષા, ફિનટેક, સંરક્ષણ અને સંસ્કૃતિ જેવા વિવિધ ક્ષેત્રોમાં આને આગળ લઈ જવાના માર્ગો ઓળખવાની તક હશે. તે વૈશ્વિક મુદ્દાઓ પર સહકારની ચર્ચા કરવાની પણ તક હશે, ખાસ કરીને UNFCCCના COP-28ના UAEની પ્રેસિડેન્સી અને ભારતની G-20 પ્રેસિડેન્સીના સંદર્ભમાં જેમાં UAE ખાસ આમંત્રિત છે.