ટામેટાના વધતા ભાવ અટકાવવા કર્ણાટક અને મહારાષ્ટ્રમાંથી ટામેટાંની ખરીદી કરવાનો આદેશ

છેલ્લા એક મહિનામાં ટામેટાના છૂટક ભાવમાં મહત્તમ વધારો નોંધાયો છે.

નેશનલ એગ્રીકલ્ચરલ કોઓપરેટિવ માર્કેટિંગ ફેડરેશન (NAFED) અને નેશનલ કોઓપરેટિવ કન્ઝ્યુમર્સ ફેડરેશન (NCCF)ને આંધ્રપ્રદેશ, કર્ણાટક અને મહારાષ્ટ્રની મંડીઓમાંથી તાત્કાલિક ટામેટાં ખરીદીને મુખ્ય વપરાશ કેન્દ્રોમાં એકસાથે વિતરણ કરવા માટે નિર્દેશ આપવામાં આવ્યો.  છેલ્લા એક મહિનામાં છૂટક ભાવમાં મહત્તમ વધારો નોંધાયો છે. આ સપ્તાહ શુક્રવાર સુધીમાં દિલ્હી-એનસીઆર ક્ષેત્રના ગ્રાહકોને છૂટક ભાવે ટામેટાંના સ્ટોકનું વિતરણ રિટેલ આઉટલેટ્સ દ્વારા કરવામાં આવશે. રિલીઝ કરવા માટેના લક્ષ્યાંકિત કેન્દ્રોને છેલ્લા એક મહિનામાં છૂટક કિંમતોમાં સંપૂર્ણ વધારાના આધારે ઓળખવામાં આવ્યા છે. પ્રવર્તમાન ભાવ અખિલ ભારતીય સરેરાશ કરતા વધારે છે. રાજ્યોમાં મુખ્ય ઉપભોગ કેન્દ્રો કે જેમાં ઓળખાયેલ કેન્દ્રોની વધુ સાંદ્રતા હોય તેમને હસ્તક્ષેપ માટે વધુ પસંદ કરવામાં આવે છે.

ભારતના લગભગ તમામ રાજ્યોમાં ટામેટાંનું ઉત્પાદન થાય છે. મહત્તમ ઉત્પાદન ભારતના દક્ષિણ અને પશ્ચિમ વિસ્તારોમાં થાય છે, જે સમગ્ર ભારતના ઉત્પાદનમાં 56%-58% ફાળો આપે છે. દક્ષિણ અને પશ્ચિમી પ્રદેશો સરપ્લસ રાજ્યો હોવાને કારણે ઉત્પાદનની મોસમના આધારે અન્ય બજારોને પુરવઠો મળે છે. સમગ્ર પ્રદેશમાં ઉત્પાદનની ઋતુઓ પણ અલગ-અલગ હોય છે. પીક હાર્વેસ્ટિંગ સિઝન ડિસેમ્બરથી ફેબ્રુઆરી દરમિયાન થાય છે. જુલાઈ-ઓગસ્ટ અને ઓક્ટોબર-નવેમ્બર દરમિયાન સામાન્ય રીતે ટામેટાં માટે નબળા ઉત્પાદનના મહિના હોય છે. ચોમાસાની ઋતુ સાથે સંકળાયેલો જુલાઇ, વિતરણ સંબંધિત વધુ પડકારો અને પરિવહન નુકસાનમાં વધારો કરીને ભાવમાં વધારો કરે છે. રોપણી અને લણણીની ઋતુઓનું ચક્ર અને વિવિધ પ્રદેશોમાં વિવિધતા મુખ્યત્વે ટામેટાંની કિંમતની મોસમ માટે જવાબદાર છે. સામાન્ય ભાવની મોસમ સિવાય, પ્રતિકૂળ હવામાન પરિસ્થિતિઓને લીધે કામચલાઉ સપ્લાય ચેઇન વિક્ષેપ અને પાકને નુકસાન વગેરેના લીધે ઘણીવાર ભાવમાં અચાનક વધારો થાય છે.

હાલમાં, ગુજરાત, મધ્યપ્રદેશ અને કેટલાક અન્ય રાજ્યોના બજારોમાં આવતા પુરવઠો મોટાભાગે મહારાષ્ટ્રમાંથી આવે છે, ખાસ કરીને સતારા, નારાયણગાંવ અને નાસિક જે આ મહિનાના અંત સુધી ચાલવાની ધારણા છે. આંધ્રપ્રદેશના મદનપલ્લે (ચિત્તૂર)માં પણ વાજબી જથ્થામાં આગમન ચાલુ છે. દિલ્હી-એનસીઆરમાં આવતો જથ્થો મુખ્યત્વે હિમાચલ પ્રદેશમાંથી આવે છે અને અમુક જથ્થો કર્ણાટકના કોલારથી આવે છે. નાશિક જિલ્લામાંથી ટૂંક સમયમાં નવા પાકનું આગમન થવાની ધારણા છે. વધુમાં, ઓગસ્ટમાં નારાયણગાંવ અને ઔરંગાબાદ બેલ્ટમાંથી વધારાનો પુરવઠો આવવાની ધારણા છે. મધ્યપ્રદેશમાં પણ આવકો શરૂ થવાની ધારણા છે. તદનુસાર,  ભવિષ્યમાં ભાવમાં ઘટાડો થવાની ધારણા છે.