બેલેસ્ટિક મિસાઈલ 'પ્રલય' આંતરરાષ્ટ્રીય સરહદોની રક્ષક બનશે

હવામાં ચોક્કસ અંતરની મુસાફરી કર્યા પછી તેનો માર્ગ બદલવાની ક્ષમતા ધરાવે

વ્યૂહાત્મક રીતે મહત્વપૂર્ણ સરહદોની તકેદારી વધારવાની સાથે, ભારત ભારતીય સશસ્ત્ર દળોને સતત મજબૂત કરી રહ્યું છે. આ માટે, દળોમાં મોટા પાયે આધુનિક તકનીકી પ્રણાલીઓને સામેલ કરવામાં આવી રહી છે. આ ક્રમમાં, સંરક્ષણ મંત્રાલયે ભારતીય સશસ્ત્ર દળો માટે 120 પ્રલય બેલિસ્ટિક મિસાઇલોની ખરીદીને મંજૂરી આપી છે. જેની વિશેષતા એ છે કે 150 થી 500 કિમી સુધીની લાંબા અંતરની આ મિસાઈલને મોબાઈલ લોન્ચરથી લોન્ચ કરી શકાય છે.

આંતરરાષ્ટ્રીય સરહદો પર તૈનાત કરવામાં આવશે

સંરક્ષણ મંત્રાલયે ભારતીય સશસ્ત્ર દળો માટે 120 પ્રલય બેલેસ્ટિક મિસાઇલોની ખરીદીને મંજૂરી આપી છે. આ મિસાઇલોને આંતરરાષ્ટ્રીય સરહદો પર તૈનાત કરવામાં આવશે. આ પ્રલય બેલેસ્ટિક મિસાઈલ 150 થી 500 કિ.મી. અંતર સુધીના લક્ષ્યાંકોને હિટ કરી શકે છે. સરફેસ થી સરફેસ મિસાઈલ 500-1000 કિલોગ્રામ જેટલું ભારવહન કરવામાં સક્ષમ છે. તેને મોબાઈલ લોન્ચરથી લોન્ચ કરી શકાય છે. બ્રહ્મોસ સુપરસોનિક ક્રૂઝ મિસાઇલોની સાથે પ્રલય મિસાઇલો સેનામાં સૌથી લાંબી રેન્જની વ્યૂહાત્મક શસ્ત્ર પ્રણાલી હશે. તે લાંબા અંતરના વ્યૂહાત્મક શસ્ત્રોને નિયંત્રિત કરતી વ્યૂહાત્મક દળો કમાન્ડ દ્વારા સંચાલિત છે.

ડિસેમ્બરમાં પરીક્ષણ કરવામાં આવ્યું હતું

સંરક્ષણ મંત્રાલયના જણાવ્યા અનુસાર, પ્રલય મિસાઈલનું ગયા વર્ષે 21 અને 22 ડિસેમ્બરના રોજ સતત બે દિવસ બે વાર સફળ પરીક્ષણ કરવામાં આવ્યું હતું. પ્રલય એ અર્ધ-બેલિસ્ટિક સપાટીથી સપાટી પર માર કરતી મિસાઇલ છે. તે હવામાં ચોક્કસ અંતરની મુસાફરી કર્યા પછી તેનો માર્ગ બદલવાની ક્ષમતા ધરાવે છે. પ્રલય ઘન પ્રોપેલન્ટ રોકેટ મોટર અને અન્ય નવી ટેકનોલોજી દ્વારા સંચાલિત છે. મિસાઇલની માર્ગદર્શન પ્રણાલીમાં અત્યાધુનિક નેવિગેશન અને સંકલિત એવિઓનિક્સનો સમાવેશ થાય છે. આ મિસાઈલને પહેલા ભારતીય વાયુસેનામાં સામેલ કરવામાં આવશે.

ડીઆરડીઓ 

સંરક્ષણ મંત્રાલયની ઉચ્ચસ્તરીય બેઠકમાં સશસ્ત્ર દળો માટે DRDO દ્વારા વિકસાવવામાં આવી રહેલી લગભગ 120 મિસાઈલોને મંજૂરી આપવામાં આવી છે. આ બેલેસ્ટિક મિસાઈલો વ્યૂહાત્મક ભૂમિકાઓ માટે ખૂબ જ મહત્વપૂર્ણ છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન દ્વારા વિકસિત આ મિસાઈલોને સેનાની જરૂરિયાત મુજબ નોંધપાત્ર રીતે વધારી શકાય છે. સેનાના વડા તરીકે સ્વર્ગસ્થ સીડીએસ જનરલ બિપિન રાવતે 2015 ની આસપાસ આ મિસાઇલ સિસ્ટમના વિકાસને પ્રોત્સાહન આપ્યું હતું.

રક્ષા દળો રોકેટ ફોર્સ બનાવવાની દિશામાં કામ કરી રહ્યા છે

રક્ષા મંત્રાલયના સ્તરેથી મંજૂરી મળ્યા બાદ હવે તેના નિર્માણ અને સશસ્ત્ર દળોમાં સામેલ કરવાનો રસ્તો સાફ થઈ ગયો છે. આવી મિસાઈલ સિસ્ટમનો ઉપયોગ લાંબા અંતરની દુશ્મનની હવાઈ સંરક્ષણ પ્રણાલી અને અન્ય ઉચ્ચ-મૂલ્ય ધરાવતી મિસાઈલોને નષ્ટ કરવા માટે થઈ શકે છે. આ મિસાઇલોને સશસ્ત્ર દળોમાં સામેલ કરવાના પ્રસ્તાવને એવા સમયે મંજૂર કરવામાં આવ્યો છે, જ્યારે સંરક્ષણ દળો એક રોકેટ ફોર્સ બનાવવાની દિશામાં કામ કરી રહ્યા છે જે દુશ્મનના ટાર્ગેટને લાંબા અંતરથી મારી શકવાની ક્ષમતા ધરાવે છે.