લોકસભામાં આજે દિલ્હી સરકાર અધ્યાદેશ સંશોધન બિલ પર ફરી ચર્ચા કરાશે

સંસદના ચોમાસુ સત્રમાં આજે મહત્વના કાર્યો સૂચિબદ્ધ છે. લોકસભા દિલ્હીમાં અધિકારીઓની નિમણૂક અને બદલી સંબંધિત,, દિલ્હી રાષ્ટ્રીય રાજધાની રાજ્યક્ષેત્ર શાસન સંશોધન વિધેયક 2023 પર ચર્ચા કર્યા બાદ પસાર કરશે. આ ઉપરાંત, ઇન્ટર-સર્વિસ ઓર્ગેનાઇઝેશન (કમાન્ડ, કંટ્રોલ એન્ડ ડિસિપ્લિન) બિલ, 2023 પસાર કરવા માટે સંરક્ષણ મંત્રાલય સાથે સંબંધિત મહત્વપૂર્ણ બિલ પણ સૂચિબદ્ધ છે.

આ સાથે IT મંત્રી અશ્વિની વૈષ્ણવ લોકસભામાં ડિજિટલ પ્રાઈવસી પ્રોટેક્શન બિલ 2023 રજૂ કરશે. આ બિલનો હેતુ લોકોનો ડેટા સુનિશ્ચિત કરવાનો છે. આ સાથે આરોગ્ય મંત્રી મનસુખ માંડવિયા ફાર્મસી સંશોધન બિલ 2023 રજૂ કરશે. ઈન્ડિયન ઈન્સ્ટિટ્યૂટ ઓફ મેનેજમેન્ટ એમેન્ડમેન્ટ બિલ 2023 પણ ચર્ચા બાદ પસાર કરવામાં આવશે.