રાષ્ટ્રપતિ આજે ભોપાલમાં  "ઉત્કર્ષ" અને  "ઉન્મેષ" ઉત્સવનું ઉદ્ઘાટન કરશે

ફેસ્ટિવલમાં 13 દેશોના લેખકો પણ ભાગ લેશે

રાષ્ટ્રપતિ  દ્રૌપદી મુર્મુ આજે ભોપાલમાં 'ઉન્મેષ' - આંતરરાષ્ટ્રીય સાહિત્ય મહોત્સવ અને 'ઉત્કર્ષ' - લોક અને આદિજાતિ પર્ફોર્મિંગ આર્ટ્સના ઉત્સવનું ઉદ્ઘાટન કરશે. આ કાર્યક્રમોનું આયોજન સંસ્કૃતિ મંત્રાલય દ્વારા સાહિત્ય અકાદમી અને સંગીત નાટક અકાદમીના સહયોગથી કરવામાં આવી રહ્યું છે.

આ પ્રસંગે મધ્યપ્રદેશના રાજ્યપાલ મંગુપટેલ, મુખ્યમંત્રી શિવરાજ સિંહ ચૌહાણ અને વિદેશ અને સંસ્કૃતિ રાજ્ય મંત્રી મીનાક્ષી લેખી સહિત અન્ય મહાનુભાવો ઉપસ્થિત રહેશે. સાહિત્ય અકાદમીના સચિવ ડૉ. કે. શ્રીનિવાસરાવે જણાવ્યું હતું કે, 'ઉન્મેષા 2023'માં 102 ભાષાઓના 575 થી વધુ લેખકો ભાગ લે તેવી અપેક્ષા છે, જે અભિવ્યક્તિની ઉજવણી છે.

ફેસ્ટિવલમાં 13 દેશોના લેખકો પણ ભાગ લેશે. અભિવ્યક્તિના 'ઉત્કર્ષ' ઉત્સવના ભાગરૂપે, મધ્યપ્રદેશ અને અન્ય રાજ્યોના કલાકારો દરરોજ સાંજે રંગારંગ કાર્યક્રમો રજૂ કરશે. આરીફ મોહમ્મદ ખાન (કેરળ), બિસ્વા ભૂષણ હરિચંદન (છત્તીસગઢ) અને તમિલિસાઈ સૌંદરરાજન (તેલંગાણા) - ત્રણ રાજ્યોના રાજ્યપાલો પણ અભિવ્યક્તિના ઉત્સવમાં ભાગ લે તેવી અપેક્ષા છે.