લોકસભા ચૂંટણીના પાંચમા તબક્કામાં 62.2 ટકા મતદાન, છઠ્ઠા તબક્કા માટે 25 મેના રોજ મતદાન થશે

ચૂંટણી પંચે ગુરુવારે જણાવ્યું હતું કે, લોકસભા ચૂંટણીના પાંચમા તબક્કામાં 49 બેઠકો માટે કુલ 62.2 ટકા મતદાન નોંધાયું હતું.

ચૂંટણી પંચ દ્વારા જાહેર કરાયેલા એક નિવેદનમાં જણાવાયું હતું કે, 20 મેના રોજ પાંચમા તબક્કામાં આઠ રાજ્યો અને કેન્દ્રશાસિત પ્રદેશોની 49 બેઠકો પર કુલ 62.2 ટકા મતદાન નોંધાયું હતું. જેમાં 61.48 ટકા પુરૂષ, 63 ટકા મહિલા અને 21.96 ત્રીજા લિંગના મતદારોએ તેમના મતાધિકારનો ઉપયોગ કર્યો હતો.

આ તબક્કામાં બિહારમાં 56.76 ટકા, જમ્મુ-કાશ્મીરમાં 59.10 ટકા, ઝારખંડમાં 63.21 ટકા, લદ્દાખમાં 71.82 ટકા, મહારાષ્ટ્રમાં 56.89 ટકા, ઓડિશામાં 73.50 ટકા, ઉત્તર પ્રદેશમાં 58.02 ટકા અને પશ્ચિમ બંગાળમાં 78.45 ટકા મતદાન થયું હતું. 

ઉલ્લેખનીય છે કે લોકસભા ચૂંટણીના છઠ્ઠા તબક્કાનો પ્રચાર આજે (ગુરુવાર) સમાપ્ત થઈ રહ્યો છે. શનિવાર, 25 મેના રોજ આઠ રાજ્યો અને કેન્દ્રશાસિત પ્રદેશોની 58 બેઠકો પર મતદાન થશે. આ વિસ્તારોમાં બિહારની 8 બેઠકો, હરિયાણાની તમામ 10 બેઠકો, જમ્મુ અને કાશ્મીરની 1 બેઠક, ઝારખંડની 4, દિલ્હીની તમામ 7 બેઠકો, ઓડિશાની 6, ઉત્તર પ્રદેશની 14 અને પશ્ચિમ બંગાળની 8 બેઠકોનો સમાવેશ થાય છે. આ તબક્કામાં કુલ 889 ઉમેદવારો ચૂંટણી લડી રહ્યા છે. મતદાન સવારે 7 થી સાંજે 6 વાગ્યા સુધી ચાલશે.