લોકસભા ચૂંટણી 2024ના છઠ્ઠા તબક્કાનું મતદાન શરૂ

લોકસભા ચૂંટણી 2024ના છઠ્ઠા તબક્કાનું મતદાન શરૂ

લોકસભા ચૂંટણી 2024ના છઠ્ઠા તબક્કાનું મતદાન આજે સાત વાગ્યાથી શરૂ થઈ ગયું છે. 6 રાજ્યો અને 2 કેન્દ્રશાસિત પ્રદેશોની 58 બેઠકો પર મતદારો પોતાના મત્તાધિકારનો ઉપયોગ કરી રહ્યા છે. ઉત્તર પ્રદેશની 14, હરિયાણાની 10, પશ્ચિમ બંગાળની 8 બિહારની 8, દિલ્હીની 7, ઓડિસાની 6, ઝારખંડની 4, જમ્મુ-કાશ્મીરની અનંતનાગ અને રાજૌરી બેઠક પર હાલ મતદાન ચાલી રહ્યું. આ બેઠકો પર કુલ 889 ઉમેદવાર છે, જેમાં પુરુષ ઉમેદવાર 793 અને મહિલા ઉમેદવાર 96 છે. દિગ્ગજ નેતાઓ સહિત નાગરિકો ઉત્સાહભેર મતદાન કરી રહ્યા છે. હરિયાણાના પૂર્વ મુખ્યમંત્રી અને ભાજપના ઉમેદવાર મનોહરલાલ ખટ્ટરે કરનાલમાં મતદાન કર્યું હતું. તો વિદેશમંત્રી ડોક્ટર એસ. જયશંકર તેમની પત્ની સાથે રાંચીમાં પ્રાર્થના કરી, મતદાન કરવા પહોંચ્યા હતા.