સરકારે 4,797 કરોડ રૂપિયાના ખર્ચે અર્થ સાયન્સ સ્કીમ લાગુ કરવાનો નિર્ણય લીધો, આ યોજનામાં પાંચ ચાલુ યોજનાઓનો સમાવેશ કરવામાં આવશે

કેન્દ્રીય કેબિનેટની બેઠકમાં આ નિર્ણય લેવામાં આવ્યો છે. આ યોજનામાં પાંચ ચાલુ યોજનાઓનો સમાવેશ કરવામાં આવશે.

સરકારે 4,797 કરોડ રૂપિયાના ખર્ચે અર્થ સાયન્સ સ્કીમ લાગુ કરવાનો નિર્ણય લીધો છે. આજે મળેલી કેન્દ્રીય કેબિનેટની બેઠકમાં આ નિર્ણય લેવામાં આવ્યો છે. આ યોજનામાં પાંચ ચાલુ યોજનાઓનો સમાવેશ કરવામાં આવશે.

આ સ્કિમ વાતાવરણ અને આબોહવા સંશોધન – મોડેલિંગ ઓબ્ઝર્વિંગ સિસ્ટમ્સ અને સેવાઓ – ACROS, મહાસાગર સેવાઓ, મોડેલિંગ એપ્લિકેશન્સ, સંસાધનો અને ટેકનોલોજી – O SMART, ધ્રુવીય વિજ્ઞાન અને ક્રાયોસ્ફીયર સંશોધન – PACER, સિસ્મોલોજી અને જીઓસાયન્સ – S A G E અને સંશોધન, શિક્ષણ, તાલીમ અને આઉટરીચનો સમાવેશ કરવામાં આવ્યો છે. 

પૃથ્વી વિજ્ઞાન યોજનાનો ઉદ્દેશ્ય પૃથ્વી પ્રણાલી અને પરિવર્તનના મહત્વપૂર્ણ સંકેતોને રેકોર્ડ કરવા માટે વાતાવરણ, મહાસાગરો, ભૂમંડળ, ક્રાયોસ્ફિયર અને પૃથ્વીના ઘન પદાર્થોનું લાંબા ગાળાના અવલોકનો કરવાનો છે. તે હવામાન, સમુદ્ર અને આબોહવા સંકટોને સમજવા અને આગાહી કરવા અને આબોહવા પરિવર્તનના વિજ્ઞાનને સમજવા માટે મોડેલિંગ સિસ્ટમ્સ વિકસાવવાનો પણ હેતુ ધરાવે છે.