આજથી DG અને IG કક્ષાના પોલીસ અધિકારીની કોન્ફરન્સ, પ્રધાનમંત્રી નરેન્દ્ર મોદી હાજર રહેશે

આ સંમેલનમાં પ્રધાનમંત્રી નરેન્દ્ર મોદી સાથે ગૃહમંત્રી અમિત શાહ પણ હાજર રહેશે.

જયપુરમાં આજથી પોલીસ મહાનિદેશ અને પોલીસ મહાનિરીક્ષકની કોન્ફરન્સનું આયોજન કરવામાં આવ્યું છે. આ સંમેલનમાં પ્રધાનમંત્રી નરેન્દ્ર મોદી સાથે ગૃહમંત્રી અમિત શાહ પણ હાજર રહેશે. પ્રધાનમંત્રીના સ્વાગત માટે જયપુરને દુલ્હનની જેમ સજાવવામાં આવ્યું છે. જયપુર પહોંચીને પ્રધાનમંત્રી સૌથી પહેલા પ્રદેશ કાર્યાલય જશે. જ્યાં ભાજપના ધારાસભ્યો અને પ્રદેશ સંગઠન સાથે બેઠક કરશે.

પોલીસ મહાનિદેશ અને પોલીસ મહાનિરીક્ષકની કોન્ફરન્સમાં સાયબર ક્રાઈમ, પોલીસિંગમાં ટેકનોલોજી, કાઉન્ટર ટેરરિઝમ પડકારો, ડાબેરી ઉગ્રવાદ, જેલ સુધારણા સહિત પોલીસિંગ અને આંતરિક સુરક્ષાના મુદ્દાઓની વિસ્તૃત ચર્ચા કરવામાં આવશે. આ કોન્ફરન્સમાં રાષ્ટ્રીય સુરક્ષા સલાહકાર, ગૃહ રાજ્યમંત્રી, કેબિનેટ સચિવ, ભારત સરકારના વરિષ્ઠ અધિકારી, રાજ્યો અને કેન્દ્ર શાસિસત પ્રદેશના પોલીસ મહાનિદેશક તથા કેન્દ્રીય સશક્ત બળ અને કેન્દ્રીય પોલીસ સંગઠનના પ્રમુખ હાજર રહેશે.