CM રૂપાણી કુંભમેળામાં પહોંચ્યા, વારાણસીમાં ઉતારી ગંગા આરતી 

મુખ્યમંત્રી વિજય રૂપાણી પ્રયાગરાજ ખાતે કુંભમેળામાં નિર્મોહી અખાડાના સાધુ સંતોના આશીર્વાદ લેવા પહોંચ્યા.વારાણસીમાં પણ પહોંચીને મુખ્યમંત્રીએ ગંગા આરતી ઉતારીને ગંગા મૈયાના આશીર્વાદ મેળવ્યાં.

મુખ્યમંત્રી વિજયભાઇ રૂપાણી એ ઉત્તરપ્રદેશના પ્રયાગરાજમાં પવિત્ર કુંભસ્નાન ગંગામૈયામાં ડૂબકી લગાવીને કર્યું હતું. તેમણે આ કુંભમેળામાં સ્નાન કર્યાબાદ જણાવ્યું કે, ગંગામૈયા સમક્ષ દેશ અને રાજ્યની ઉન્નતિ, સૌના સાથ -સૌના વિકાસની મંગલકામનાઓ વાંચ્છી છે. મુખ્યમંત્રીએ ગુજરાત વિકાસ માર્ગે ઉન્નત પ્રગતિ કરે તેવી પ્રાર્થના કરી હતી. 

તેમણે વધુમાં ઉમેર્યું કે, હિન્દુ સંસ્કૃતિમાં આ પવિત્ર કુંભ એ સામાજિક સમરસતાનું એક આગવું પ્રતિક છે. કરોડો શ્રદ્ધાળુઓ આસ્થાપૂર્વક મેળાનો લાભ લેવા અને પવિત્ર સ્નાન માટે આવે છે, તે અર્થમાં આ મેળો ભારતની એકતા અને અખંડિતતાનું પણ પ્રતિક છે.