ભદ્ર મંદિર પરિસરમાં સ્વચ્છતા અભિયાન, અભિનેતા વિવેક ઓબેરોય પણ જોડાયા

અમદાવાદના સ્થાપના દિવસ નિમિત્તે શહેરમાં સ્વચ્છતા અભિયાન હાથ ધરવામાં આવ્યું. અમદાવાદ મ્યુનિસિપલ કોર્પોરેશન દ્વારા શહેરમાં રેલી યોજી સ્વચ્છતા અંગે શપથ લેવડાવ્યા

સ્વચ્છ ભારત મિશન અંતર્ગત અમદાવાદમાં સ્વચ્છતા અભિયાન હાથ ધરવામાં આવ્યું હતું. અમદાવાદના ભદ્રકાળી મંદિર પરિસરમાં સફાઇ કરવામાં આવી હતી, જેમાં સ્વચ્છ ભારતના બ્રાન્ડ એમ્બેસેડર અને અભિનેતા વિવેક ઓબેરોય જોડાયા હતા. સ્વચ્છતા અભિયાનમાં શહેરના મેયર ગૌતમ શાહ સહિત અનેક લોકો જોડાયા હતા..

મંદિર પરિસરમાં સ્વચ્છતા અભિયાન બાદ અભિનેતાએ મંદિરમાં વિશેષ પૂજા-અર્ચના કરી હતી. મંદિરમાં પૂજા અર્ચના કરી ભગવાનના આશિર્વાદ મેળવ્યા હતા.

સ્વચ્છ ભારત અભિયાન અંતર્ગત શહેરમાં સ્વચ્છતા રેલીનું પણ આયોજન કરાયું હતું, જેમાં મોટી સંખ્યામાં શહેરીનજનો જોડાયા હતા. અમદાવાદને સ્વચ્છ બનાવવા વિવેક ઓબેરોય અને મેયરે ગૌતમ શાહે શહેરીજનોને શપથ લેવડાવ્યા હતા.

અંકિત ચૌહાણ, સોશિયલ મીડિયા ડેસ્ક