દેશના પૂર્વ પીએમ મોરારજી દેસાઈની 122મી જન્મજ્યંતી

મોરારજી દેસાઈની પ્રધાનમંત્રી મોદીની શ્રદ્ધાંજલિ, કહ્યું દેશ માટે કરેલા કામ પ્રજા માટે પ્રેરણા સમાન

દેશના પૂર્વ પ્રધાનમંત્રી મોરારજી દેસાઈની 122મી જન્મજ્યંતી છે, ત્યારે પ્રધાનમંત્રી નરેન્દ્ર મોદીએ શ્રદ્ધાંજલિ અર્પી છે.  પ્રધાનમંત્રી નરેન્દ્ર મોદીએ ટ્વીટ કરી મોરારજી દેસાઇને અંજલિ આપી હતી. તેમણે કહ્યું હતું કે મોરારજી દેસાઇએ જાતને ભૂલીને દેશ માટે કરેલા કામો પ્રજા માટે પ્રેરણા સમાન છે. દેશના લોકતાંત્રિક મૂલ્યો માટે તેમની કટીબધ્ધતાને દેશ ક્યારેય નહીં ભૂલે.

ભારતીય રાષ્ટ્રીય કોંગ્રેસ સિવાયના પક્ષમાંથી પ્રધાનમંત્રી બનનાર તેઓ પ્રથમ વ્યક્તિ હતા. આ ઉપરાંત ભારતના સર્વોચ્ચ નાગરિક સન્માન ભારત રત્નની સાથે પાકિસ્તાનના સર્વોચ્ચ આદર નિશાન-એ-પાકિસ્તાનથી નવાજાયેલા તેઓ એકમાત્ર વ્યક્તિ છે.