સ્ટેચ્યુ ઓફ યુનિટી પ્રતિમાની સૌથી નાની પ્રતિકૃતિ પણ ગુજરાતમાં

લોકો જાણે છે કે વિશ્વની સૌથી ઉંચી પ્રતિમા એટલે સ્ટેચ્યુ ઓફ યુનિટી ગુજરાતમાં છે પરંતુ લોકો એ નથી જાણતા કે વિશ્વની સૌથી ઉંચી પ્રતિમા સ્ટેચ્યુ ઓફ યુનિટી પ્રતિમાની સૌથી નાની પ્રતિકૃતિ પણ ગુજરાતમાં છે. આ પ્રતિમાનું વજન એક ગ્રામથી પણ ઓછુ છે. આ જ કારણ છે કે આ પ્રતિમાને વર્લ્ડ રેકોર્ડ ઇન્ડિયા થી સન્માનવામાં આવ્યું છે. તમને જાણીને આશ્ચર્ય થશે કે સુરતની એક થ્રીડી એનિમેશન બનાવતી કંપનીએ આ કરામત કરી બતાવી છે. તેમણે રેસિન મટીરીયલથી 13mm ની વિશ્વની સૌથી નાની સ્ટેચ્યુ ઓફ યુનિટીની પ્રતિકૃતિ બનાવી છે. આ નાની રેપ્લિકા માત્ર 30 મિનિટમાં તૈયાર કરવામાં આવી છે. તો વર્લ્ડ રેકોર્ડ ઓફ ઇન્ડિયા બાદ હવે ગિનીઝ બુક ઓફ વર્લ્ડ રેકોર્ડમાં પણ આ પ્રતિમાનું નામ નોંધાય તેની તજવીજ હાથ ધરવામાં આવી છે.