30 જૂન સુધી CBDT એ મેન્યુઅલ ફોર્મ સબમિટ માટે પરવાનગી આપી

સેન્ટ્રલ બોર્ડ ઓફ ડાયરેક્ટ ટેક્સ (CBDT) એ કરદાતાઓને રાહત આપી છે. હવે કરદાતાઓ ફોર્મ 15 CA અને 15 CB ઇલેક્ટ્રોનિકલી ફાઇલ કરવાને બદલે ઇ-ફાઇલિંગ પોર્ટલ પર આ ફોર્મ 30 જૂન, 2021 સુધી મેન્યુઅલી સબમિટ કરી શકાશે. આવકવેરા વિભાગના નવા ઇ-ફાઇલિંગ પોર્ટલ(e filing portal) પર યુઝર્સને તકનીકી સમસ્યાઓ થતી હોવાથી આ નિર્ણય લેવામાં આવ્યો છે. 

એક ટ્વિટમાં આવકવેરા વિભાગે કહ્યું કે, એક અઠવાડિયા પહેલા આવકવેરા વિભાગે કરદાતાઓ માટે નવું ઇ-ફાઇલિંગ પોર્ટલ લોન્ચ કર્યું હતું પરંતુ નવા ઈ-ફાઇલિંગ પોર્ટલ http://incometax.gov.in પર ઓનલાઇન ફોર્મ ભરવામાં કરદાતાઓને પડી રહેલી મુશ્કેલીઓને ધ્યાનમાં રાખીને સીબીડીટીએ 15 CA અને 15 CB ફોર્મ ભરવા માટે ઇલેક્ટ્રોનિક ફાઇલિંગમાં રાહત આપી છે.