RBIના ગવર્નર સંજય મલ્હોત્રાની મોટી જાહેરાત

RBIના ગવર્નર સંજય મલ્હોત્રાની મોટી જાહેરાત: રેપો રેટમાં 0.25%નો કાપ, લોન સસ્તી થશે!

ભારતીય રિઝર્વ બેંક (RBI) દ્વારા આજે તેની દ્વિમાસિક મૌદ્રિક નીતિ સમીક્ષાના પરિણામો જાહેર કરવામાં આવ્યા છે. 3 ડિસેમ્બરના રોજ શરૂ થયેલી ત્રણ દિવસીય બેઠક બાદ, RBIના ગવર્નર સંજય મલ્હોત્રાએ વ્યાજદરોમાં મોટો ફેરફાર જાહેર કર્યો છે, જે ગ્રાહકો માટે રાહતના સમાચાર લઈને આવ્યો છે.

રેપો રેટમાં ઘટાડો:

RBIએ નીતિગત દરોમાં 0.25 ટકા (25 બેસિસ પોઈન્ટ્સ) નો કાપ મૂક્યો છે. આ ઘટાડા સાથે, રેપો રેટ હવે ઘટીને 5.25 ટકા થયો છે. (અગાઉ 5.50% હતો)

ગ્રાહકોને થશે સીધો ફાયદો:

ગવર્નર સંજય મલ્હોત્રાની આ ઘોષણા બાદ હવે બેંકો માટે RBI પાસેથી ભંડોળ મેળવવું સસ્તું બનશે. આના પરિણામે, સામાન્ય ગ્રાહકો માટે હોમ લોન (Home Loan), ઓટો લોન (Auto Loan) અને અન્ય લોનના વ્યાજ દરો ઘટવાની અને માસિક હપ્તા (EMI) હળવા થવાની શક્યતાઓ વધી ગઈ છે. આ નિર્ણય રેકોર્ડ નીચા ફુગાવાના સ્તર અને અર્થતંત્રને વેગ આપવાના ઉદ્દેશ સાથે લેવામાં આવ્યો છે.