અખિલ ભારતીય વિદ્યાર્થી પરિષદ ગુજરાતનુ 54મું પ્રદેશ અધિવેશન આજથી ભાવનગરમાં યોજાશે

અખિલ ભારતીય વિદ્યાર્થી પરિષદ ગુજરાતનુ 54મું પ્રદેશ અધિવેશન આજથી ત્રણ દિવસ માટે ભાવનગરમાં યોજાવાનું છે.. જેમાં મુખ્ય અતિથિ તરીકે મુખ્યમંત્રી ભુપેન્દ્રભાઈ પટેલ હાજર રહેશે. આ ઉપરાંત સરદાર વલ્લભભાઈ પટેલ રાષ્ટ્રીય પ્રોદ્યોગિકી સંસ્થાનના ડિરેક્ટર પ્રો્ફેસર અનુપમ શુક્લા પણ ઉપસ્થિત રહેશે.

આ અધિવેશનમાં રાજ્યમાંથી એક હજાર જેટલા વિધાર્થીઓ ભાગ લેશે. તેમાં વિવિધ સત્રો, પ્રદર્શની, શોભાયાત્રા, જાહેર સભા, શિક્ષણ અને સામાજિકપરિવર્તન હેતુ આગામી વર્ષમાં દિશા પ્રદાન કરતા વિવિધ પ્રસ્તાવો પણ પારિત કરવામાં આવશે.

આ અધિવેશનમાં વિવિધ ભાષણ સત્રો પણ યોજાશે. અધિવેશનના અંતિમ દિવસે વર્ષ 2023-24ની કારોબારી ધોષણા કરવામાં આવશે. આ પ્રદર્શનીમાં સ્વાવલંબી ભારત, G-20 વિશ્વનું પ્રતિનિધિત્વ કરતુ ભારત અને ભાવનગર ના ઐતિહાસિક, સાંસ્કૃતિક અને શૈક્ષણિક વારસા આધારિત સમગ્ર પ્રદર્શની  જાહેર જનતા માટે 8 જાન્યુઆરી સુધી ખુલ્લી મુકવામાં આવશે.