અમદાવાદઃ ભાજપની ચિંતન શિબિરમાં જોડાશે રાષ્ટ્રીય અધ્યક્ષ અમિત શાહ

અમદાવાદમાં ચાલી રહેલી ભાજપની બે દિવસીય ચિંતન શિબિરમાં આજે ઉપસ્થિત રહેશે રાષ્ટ્રીય અધ્યક્ષ અમિત શાહ - આગામી લોકસભાની ચૂંટણીની તૈયારીરૂપ શિબિરમાં વિજય માટે ઘડાશે રણનીતિ.

ભારતીય જનતા પાર્ટીએ લોકસભાની આગામી ચૂંટણીની તૈયારી આરંભી દીધી છે. ગુજરાતની તમામ 26 બેઠકો પર જીત મેળવવા અમદાવાદમાં ભાજપની બે દિવસીય ચિંતન શિબિર ચાલી રહી છે. ભાજપના રાષ્ટ્રીય અધ્યક્ષ અમિત શાહ આજે રાજ્યના આગેવાનો સાથે લોકસભા ચૂંટણી જીતવા માટે અને ઉમેદવારોની પસંદગી અંગે અમદાવાદ આવીને ચર્ચા કરશે. ચિંતન શિબિરમાં પ્રદેશ પ્રમુખ જીતુ વાઘાણી, રાજ્ય પ્રભારી ભૂપેન્દ્ર યાદવ, રાષ્ટ્રીય સંગઠન મહામંત્રી વી.સતીશ, કેન્દ્રીય મંત્રીઓ પુરૂષોત્તમ રૂપાલા, મનસુખ માંડવિયા અને હરિભાઈ ચૌધરી સહિત ભાજપના 35 આગેવાનો ભાગ લઈ રહ્યા છે. પ્રધાનમંત્રી નરેન્દ્ર મોદીના મન કી બાત કાર્યક્રમને સાંભળીને ચિંતન બેઠકની શરૂઆત થઈ હતી