અમદાવાદના લાલભાઈ દલપતભાઈ મ્યુઝિયમ ખાતે યોજાયું પ્રદર્શન

અમદાવાદના લાલભાઈ દલપતભાઈ મ્યુઝિયમ ખાતે ભારતીય બંધારણ અને આઝાદીની 75 મી વર્ષગાંઠની ઉજવણી કરવામાં આવી રહી છે. જેના ભાગરૂપે મ્યુઝિયમમાં ભારતીય કલા કારીગરીના વિવિધ સેમિનાર અને પ્રદર્શનનું આયોજન કરાયું છે. 

આ પ્રદર્શનમાં દેશભરના કારીગરો દ્વારા બનાવવામાં આવેલી 75 જેટલી હાથ-સાળના કાપડની કલાકૃતિઓને પ્રદર્શિત કરવામાં આવી છે. તેના પર અલગ અલગ 75 જેટલા વિષયો પર ચિત્રો રજૂ કરાયા છે. જે ભારતીય બંધારણની પ્રસ્તાવનામાં, દર્શાવવામાં આવેલી કળાને પ્રદર્શિત કરે છે. સાથે-સાથે રાષ્ટ્ર નિર્માણમાં કારીગરોએ આપેલા યોગદાનની યાદોને પણ તે તાજી કરે છે. 

નાગરિકો 18મી ફેબ્રુઆરી એટલે કે આવતીકાલ સુધી આ પ્રદર્શન નિહાળી શકશે.