અમદાવાદ શાહીબાગ ખાતે રોજગાર મેળાનું કરાયું આયોજન

5 કંપનીઓ તરફથી 618 જેટલી જગ્યા ઓ માટે જોબ ઓફર કરાઇ

મદદનીશ નિયામક રોજગાર કચેરીના ઉપક્રમે અમદાવાદમાં શાહીબાગ વિસ્તારમાં આવેલ રોજગાર કચેરી ખાતે રોજગાર મેળાનું આયોજન કરવામાં આવ્યું હતું. આ રોજગાર મેળામાં વિવિધ 5 કંપનીઓ તરફથી 618 જેટલી જગ્યા ઓ માટે જોબ ઓફર કરવામાં આવી હતી. 
રોજગાર મેળામાં ધોરણ 8 પાસ થી માંડીને સ્નાતક પદવી પ્રાપ્ત ઉમેદવારોએ ભાગ લીધો હતો. આ ભરતી મેળા માં પસંદગી પામનારા ઉમેદવારોને ઈએસઆઈ અને ફેક્ટરી એક્ટ મુજબ ના તમામ મળવાપાત્ર લાભો મળશે. 
આ પ્રસંગે સ્વરોજગારી માટે સરકાર તરફથી મળી રહેલી વિવિધ સબસીડી અંગેની જાણકારી ઉમેદવારોને આપવામાં આવી હતી આ રોજગાર મેળામાં ટીમ લીડર, ડીલેવરી બોય સહિતની પોસ્ટ માટે માસિક 8,000 થી 40,000 સુધીના વેતનની જોબ ઓફર કરવામાં આવી હતી.