મોરબીના યુવાનોએ વિશેષ રીતે દિવાળીની ઉજવણી કરવાનું કર્યું નક્કી
Live TV
-
16-10-2019 | 9:01 am
Share Now
ગરીબોને ભેટ સોગાદો આપવા યુવાનોએ કમર કસી
મોરબીની એક કોલેજના પટેલ સોશ્યલ ગ્રુપ ના યુવાનો દ્વારા દર વર્ષે ગરીબોને પણ ભેટ સોગાદો આપીને દિવાળી પર્વની ઉજવણી કરવામાં આવતી હોય છે. આ વર્ષે પણ દિવાળી પૂર્વે નિરાધારનો આધાર નામે કેમ્પ શરૂ કરીને જાહેર જનતા પાસેથી ચીજવસ્તુઓ એકત્ર કરીને ગરીબો સુધી પહોંચાડવા પ્રયાસ થઇ રહ્યા છે.
કેમ્પમાં જુના વસ્ત્રો , રમકડા, વાસણ સહિતની ચીજવસ્તુઓ એકત્ર કરીને અનાથ તેમજ ગરીબો સુધી પહોચાડવામાં આવશે. આ હેતુસર યુવાનો દ્વારા મોરબીમાં ચાર સ્થળે સેવા કેમ્પ શરૂ કરાયા હતા. ચાર દિવસ સુધી ચાલેલા કેમ્પમાં એકત્ર થયેલી સામગ્રી દિવાળી પર્વે ગરીબો સુધી પહોચાડવામાં આવશે.
