અમદાવાદ: સાબરમતિ રિવરફ્રન્ટ ખાતે રિવરક્રુઝની આજથી શરૂઆત કરવામાં આવી

ક્રુઝ દ્વારા સાબરમતિ નદીમાં લગભગ 15 થી 20 મિનિટ ફેરવવામાં આવશે

સાબરમતિ નદીમાં રિવરફ્રન્ટ ખાતે રિવરક્રુઝની આજથી શરૂઆત કરવામાં આવી છે. વલ્લભસદન થી આ એસી ક્રુઝનો પ્રારંભ થશે. આ ક્રુઝમાં હાઇક્વોલીટી સાઉન્ડ સીસ્ટમ ઇન્સ્ટોલ કરાઇ છે. જેથી લોકોને થિયેટરમાં બેઠા હોય તેવો અનુભવ થશે.

આ ક્રુઝમાં હેરિટેજ સિટીનો વીડિયો બતાવવામાં આવશે. આ ક્રુઝની ટિકિટ વલ્લભસદન ખાતે તૈયાર કરેલા કાઉન્ટર ઉપરથી મળશે. પ્રવાસીઓને આ ક્રુઝ દ્વારા સાબરમતિ નદીમાં લગભગ 15 થી 20 મિનિટ ફેરવવામાં આવશે.

આગામી દિવસોમાં આ ક્રુઝ માટે ઓનલાઇન ટિકિટની પણ વ્યવસ્થા કરાશે. આ ક્રુઝને ડેનમાર્કથી મંગાવવામાં આવ્યું છે. સાબરમતિમાં બોટિંગ અને વોટર સ્પોર્ટ બાદ આ નવું નજરાણું ઉમેરાતા અમદાવાદીઓને આનંદ પ્રમોદ માટે વધુ એક પસંદગી મળી છે.