અવકાશયાત્રી સુનિતા વિલિયમ્સની સલામતી માટે ઝુલાસણમાં કરાઈ રહ્યાં છે હવન-પૂજા

નાસાના ઈન્ટરનેશનલ સ્પેસ સ્ટેશન પર ગયેલી સુનિતા વિલિયમ્સ અવકાશમાં ફસાઈ છે. સુનિતા વિલિયમ્સ તેના સહ અવકાશયાત્રી બુચ વિલ્મોર સાથે બોઈંગ સ્ટારલાઈનર મારફતે ઈન્ટરનેશનલ સ્પેસ સ્ટેશન ગઈ હતી. જાણકારી મુજબ બોઇંગ કેપ્સ્યુલમાં ખરાબીના આવી જવાના કારણે આ બન્યું હતું. તો આ તરફ અવકાશમાં ફસાયેલા અવકાશયાત્રી સુનિતા વિલિયમ્સની સલામતી માટે માદરે વતન ઝુલાસણમાં ગ્રામજનો પ્રાર્થના કરી રહ્યા છે. ગામના ડોલા માતાના મંદિરમાં અખંડ જ્યોત પ્રગટાવવામાં આવી છે. સુનિતા સહી સલામત અવકાશમાંથી પરત ફરે તે માટે હવન-પૂજા પણ કરવામાં આવી રહી છે.

ભારતીય મૂળના અમેરિકન અવકાશયાત્રી સુનિતા વિલિયમ્સ અને અમેરિકન અવકાશયાત્રી બૂચ વિલ્મોર આંતરરાષ્ટ્રીય અવકાશ મથકમાં ફસાયેલા છે. બોઇંગનું સીએસટી-100 સ્ટારલાઇનર અવકાશયાન 15 દિવસથી અવકાશમાં અટવાયું છે. બંને સ્ટારલાઈનર સાથે 5 જૂને ટેસ્ટ ફ્લાઇટ માટે સ્પેસ સ્ટેશન પર ગયા હતા. શેડ્યૂલ મુજબ, તે સ્ટારલાઇનર સાથે 13 જૂને પૃથ્વી પર પરત ફરવાનો હતો, પરંતુ પ્લેનમાં ખામીને કારણે તે પરત ફરી શક્યો ન હતો. 

શુક્રવારે નાસાના અધિકારીઓએ જણાવ્યું હતું કે તેઓ ન્યુ મેક્સિકોના પરીક્ષણો ચલાવવા માટે માત્ર સમયરેખા જોઈ રહ્યા છે અને પછી ડેટાની સમીક્ષા કરશે. તેમણે કહ્યું કે નાસા તેને ન્યૂ મેક્સિકોમાં યોજવાનું આયોજન કરી રહ્યું છે.