આગાખાને ગાંધીનગરમાં મુખ્યમંત્રી અને રાજ્યપાલ સાથે કરી મુલાકાત

શિયા ઇસ્લામિક પંથના આધ્યાત્મિક વડા ,હિઝ હાઇનેસ પ્રિન્સ કરિમ આગાખાન ગુજરાતની મુલાકાતે પધાર્યા છે, ત્યારે તેમનું હવાઇ મથકે ભવ્ય સ્વાગત કરવામાં આવ્યું હતું. ત્યારબાદ તેઓ એરપોર્ટથી રાજ્યપાલ ઓ.પી.કોહલીની મુલાકાતે પહોંચ્યા હતા. જ્યાં તેમનું ઉષ્માસભર સ્વાગત કરવામાં આવ્યું હતું. રાજ્યપાલ ઓ.પી.કોહલીએ પ્રિન્સ આગાખાનને સીદી સૈયદની જાળીની પ્રતિકૃતિ ભેટ આપી હતી. પ્રિન્સ આગાખાને મુખ્યમંત્રી વિજય રૂપાણી સાથે પણ શુભેચ્છા મુલાકાત કરી હતી. બેઠક દરમિયાન પ્રિન્સ આગાખાન તેમજ મુખ્યમંત્રી રૂપાણી વચ્ચે કેન્સર રોગની સારવાર અને તેના રિસર્ચ ક્ષેત્રમાં સહકાર અંગે ચર્ચા થઇ હતી. ઉલ્લેખનીય છે કે આગાખાન ડેવલપમેન્ટ નેટવર્ક અને ફાઉન્ડેશન ગુજરાતના આદિજાતિ વિસ્તારોમાં પ્રવૃત્તિમય છે