ઉંઝા APMCમાં સી. આર. પાટીલના હસ્તે ખેડૂતોને પાક સહાયના ચેકનું વિતરણ

મહેસાણા જિલ્લામાં આવેલા ઉંઝા માર્કેટિંગ યાર્ડમાં આજે APMC દ્વારા એક કાર્યક્રમનું આયોજન કરવામાં આવ્યું હતું. જેમાં ભાજપના પ્રદેશ અધ્યક્ષ સી. આર. પાટીલના હસ્તે ખેડૂતોને સહાયના ચેકનું વિતરણ કરવામાં આવ્યું હતું. આ કાર્યક્રમ દરમિયાન પ્રદેશ અધ્યક્ષ સી. આર. પાટીલે જણાવ્યું હતું કે, પ્રધાનમંત્રી નરેન્દ્ર મોદી નર્મદાનું પાણી આ વિસ્તારમાં લાવ્યા હોવાથી ખેડૂતોની પ્રગતિ થઈ છે. આ વિસ્તારના ખેડૂતોને આગામી સમયમાં જમીનની સારી ઉપજથી અકલ્પનીય લાભ થશે. 
આ ઉપરાંત તેમણે પોતાને પણ ખેડૂત ગણાવી જણાવ્યું હતું કે, દૂધમાં ક્રાન્તિના કારણે આ વિસ્તાર પગભર થયો છે. ઉંઝા માર્કેટિંગ યાર્ડમાં યોજાયેલા આ કાર્યક્રમમાં ગુજરાત પ્રદેશ ભાજપ ઉપાધ્યક્ષ ગોરધન ઝડફિયા, મહેન્દ્ર પટેલ, મહામંત્રી રજની પટેલ, ધારાસભ્ય આશા પટેલ સહિતના આગેવાનો ઉપસ્થિત રહ્યા હતા.
 
આ વિસ્તારના ખેડૂતોને આગામી દિવસોમાં સારી ઉપજ થકી અકલ્પનિય લાભ થવાના છે તેથી લોકોને જમીન ના વેચવા માટે આગ્રહ કર્યો હતો.