કડીમાં સૌ પ્રથમ લર્નિંગ સેન્ટરની શરૂઆત, દાતાઓ તરફથી નવા ટીવી મળ્યાં 

મહેસાણા જિલ્લાના કડીમાં રાજ્યના સૌ પ્રથમ લર્નિંગ સેન્ટરની  શરૂઆત કરવામાં આવી છે. ગુજરાત રાજ્ય શિક્ષણ વિભાગ દ્વારા ‘હોમ લર્નિંગ’ કાર્યક્રમનો અમલ કરવામાં આવ્યો છે.

આ કાર્યક્રમ અંતર્ગત ડીડી ગિરનાર પર ધોરણ ૧ થી ૧૨ નું શૈક્ષણિક પ્રસારણ કરવામાં આવે છે. આ પ્રસારણ ૧૧ ગામના વિદ્યાર્થીઓ જોઈ શકે તેવી વ્યવસ્થા કરવામાં આવી છે. જે બાળકો પાસે જરૂરી ડિજીટલ  ઉપકરણોની વ્યવસ્થા નથી તેવા બાળકો સાથે શાળાના તમામ બાળકો પોતાના જ મહોલ્લા - શેરીમાં શૈક્ષણિક પ્રસારણ નિહાળી શકે તે હેતુથી આ નવતર પ્રયોગ કરવામાં આવ્યો છે. 

સાથે જ ‘વિદ્યા અર્થે પવિત્ર દાન’ પ્રોજેક્ટ પણ હાથ ધરવામાં આવ્યો છે. જેમાં દાતાઓની મદદથી ૨૦ નવા  LED , ૩૦ DTH તથા ૧૦ જૂના ટી.વી.દાન સ્વરૂપે મેળવી સૂરજ ક્લસ્ટરની ૧૧ શાળાઓમાં ૩૦ જેટલા ‘લર્નિંગ સેન્ટર’નું નિર્માણ કરવામાં આવ્યું છે.