કુદરતી આપદાઓની મુશ્કેલીમાં મદદ કરશે આપદા મિત્રો

ગાંધીનગરમાં સીએમ વિજયભાઇ રૂપાણીની હાજરીમાં બે હજાર આપદા મિત્રોને અપાઇ તાલીમ.

કુદરતી આપદાઓ સામે પુનર્વસન અને પુનનિર્માણની સજજતા કેળવવા ગુજરાતમાં યુવા શક્તિ સેના ઉભી કરવાની પ્રતિબદ્ધતા રાજયના મુખ્યમંત્રી વિજય રૂપાણીએ આજે ગાંધીનગરમાં વ્યક્ત કરી હતી. ગુજરાત સ્ટેટ ડિઝાસ્ટર મેનેજમેન્ટ એસોસિએશન દ્વારા રાજ્યભરના જિલ્લાઓમાંથી પસંદ કરવામાં આવેલા બે હજાર જેટલા યુવક યુવતીઓ માટેના આપદા મિત્ર તાલીમ કાર્યક્રમનો પ્રારંભ કરાવતા મુખ્યમંત્રીએ ઉક્ત નેમ વ્યક્ત કરી હતી. મુખ્યમંત્રી રૂપાણીએ જણાવ્યું હતું કે, સ્વ નો નહી સમાજના શ્રેયનો વિચાર કરી જીવન ખપાવી દેવા આવેલા પડકાર સામે બાથ ભીડવા સક્ષમ યુવા બ્રિગેડ ગુજરાતને ડિઝાસ્ટર મેનેજમેન્ટ ક્ષેત્રે દેશભરમાં અગ્રેસર લઈ જશે.