ખેડાના નડિયાદમાં ઇન્દીરાનગરીના સ્લમ વિસ્તારના બાળકો માટે મફત શિક્ષણનો મહા યજ્ઞ શરૂ કરવામાં આવ્યો

ખેડા જિલ્લાના નડિયાદમાં ઇન્દીરાનગરીના સ્લમ વિસ્તારના બાળકો માટે મફત શિક્ષણનો મહા યજ્ઞ શરૂ કરવામાં આવ્યો છે. કનૈયા ધનગઢની આગેવાનીમાં શિક્ષિત યુવાનોનું એક મંડળ ઉભુ કરવામાં આવ્યું છે. 

પાંચ થી છ જેટલા શિક્ષિત યુવક યુવતીઓ ભેગા થઈ દર રવિવારે સવારે ત્રણથી ચાર કલાક આ સ્લમ વિસ્તારના બાળકોને ફ્રીમાં શિક્ષણ આપી રહ્યાં છે. 

આ અભ્યાસ કરતા બાળકોમાંથી કેટલાક સારા ટકાએ ધોરણ 10 અને 12 પાસ કરી પોતાનો વ્યવસાય સાથે આગળ અભ્યાસ કરી રહ્યા છે. તેવા યુવક મંડળના પ્રમુખ કનૈયાભાઈને તાજેતરમાં તેમની આ સેવાકીય પ્રવૃત્તિને લઈ ગુજરાતના મુખ્યમંત્રી ભુપેન્દ્રભાઈ પટેલે શુભેચ્છા પત્ર પાઠવ્યો છે. આ પત્રથી આ મંડળના સભ્યોના ઉત્સાહમાં વધારો થયો છે.