ગીર સોમનાથ: ઉનાના ચિખલી ગામે બર્ડ ફલૂ સેમ્પલનો રિપોર્ટ આવ્યો પોઝિટીવ

ગીર સોમનાથના ઉનાના ચિખલી ગામે બર્ડ ફલૂ સેમ્પલનો રિપોર્ટ પોઝિટીવ આવ્યો છે. 13 દિવસ પહેલા 18 મરઘીઓ મૃત હાલતમાં મળી હતી. જિલ્લા કલેક્ટરે જાહેરનામુ બહાર પાડ્યું - ચિખલી ગામની 1 કિલોમીટરની ત્રિજ્યામાં કરાશે કિલીંગની કામગારી

હાલ સમગ્ર દેશમાં બર્ડ ફ્લુની દહેશત ચારે કોર ફેલાયેલી છે ત્યારે આજે ગીર-સોમનાથ જિલ્લાનાં ઉનાના ચિખલી ગામે મરઘીઓના શંકાસ્પદ મોતના મામલે ચોંકાવનારો રિપોર્ટ સામે આવ્યો છે.  13 દિવસ પહેલા 18 જેટલી મરઘીઓ મૃત હાલતમાં મળી આવી હતી. આ મૃત મરઘીઓના સેમ્પલ પરિક્ષણ માટે ભોપાલ મોકલવામાં આવ્યા હતા. આ સમ્પલનો આજે રિપોર્ટ આવતા ચોંકાવનારી વિગતો બહાર આવી છે. આવેલા રિપોર્ટના રિઝલ્ટ આવ્યા તો તમામ મરઘીઓના મોત બર્ડ ફ્લુ પોઝિટિવ આવતા હોવાનું જાણવા મળ્યું છે. આ પગલે ગીર-સોમનાથ જિલ્લા કલેક્ટર દ્વારા જાહેરનામું પ્રસિદ્ધ કરવામાં આવ્યું છે અને ઉનાના ચિખલી ગામની આસપાસ એક કિલોમીટરની ત્રિજ્યામાં કિલિંગની કામગીરી હાથ ધરવામાં આવશે. આ સાથે પશુપાલન વિભાગના અધિકારીઓની ટીમ તેમજ અન્ય અધિકારીઓ સ્થળ પર પહોંચીને આગળની તપાસ હાથ ધરી છે. આ ઉપરાંત આસપાસના ગામોમાં એલર્ટ પણ જાહેર કરવામાં આવ્યું છે.