ગુજરાતમાં નવા 480 પોઝિટિવ કેસ, જ્યારે 319 દર્દીઓએ આપી કોરોનાને માત 

ગત 24 કલાકમાં 30 દર્દીઓના મોત થયાં છે.

દિવસેને દિવસે કોરોના સંકટના ઘેરાઈ રહ્યું છે. ત્યારે ગુજરાતમાં પણ દિવસેને દિવસે કોરોનાનો કહેર વધી રહ્યો છો.  રાજ્યમાં આજે કોરોનાના નવા 480 કેસ નોંધાયા છે. આ તરફ અમદાવાદમાં નવા 318 પોઝિટિવ કેસ આવ્યા છે તો સુરતમાં છેલ્લા 24 કલાકમાં 64 કેસ કોરોના વાયરસના નોંધાયા છે. છેલ્લા 24 કલાકમાં 319 દર્દીઓ સાજા થતાં તેમની સારવાર બાદ દવાખાનામાંથી રજા આપવામાં આવી છે.રાજ્યમાં કુલ સાજા થયેલ દર્દીની સંખ્યા 13643 થઈ છે. ગત 24 કલાકમાં 30 દર્દીઓના મોત થયાં છે, આમ અત્યાર સુધીમાં રાજ્યમાં કુલ 1249 લોકોના કોરોના બીમારીને કારણે મોત થયાં છે. આ સાથે જ હાલ 67 લોકો વેન્ટિલેટર પર છે તો 5138 લોકો સ્ટેબલ છે. આ સાથે રાજ્યમાં કુલ 5205 એક્ટિવ કેસ છે. રાજ્યમા અત્યાર સુધીમા કુલ‍ 2,51,686 ટેસ્ટ કરવામા આવ્યા છે.