ગુજરાત સરકાર દ્વારા 9મી નવેમ્બર 2023ના રોજ બેંગલુરુમાં રાષ્ટ્રીય રોડ-શોનું આયોજન

વાઈબ્રન્ટ ગુજરાત ગ્લોબલ સમિટની 10મી આવૃત્તિના ભાગરૂપે, રાજ્ય સરકાર ઉદ્યોગ અને વેપારી અગ્રણીઓ સાથે વાર્તાલાપ કરવા અને જાન્યુઆરી 2024માં આવનારી સમિટ માટે તેમને આમંત્રિત કરવા રાષ્ટ્રીય અને આંતરરાષ્ટ્રીય રોડ-શોનું આયોજન કરી રહી છે.  આંતરરાષ્ટ્રીય રોડ-શોના આયોજન બાદ ગુજરાત સરકાર હવે 9મી નવેમ્બર 2023ના રોજ બેંગલુરુમાં રાષ્ટ્રીય રોડ-શો યોજશે.

આ રોડ-શોનું નેતૃત્વ ગુજરાત સરકારના ઉદ્યોગમંત્રી બળવંતસિંહ રાજપૂત કરશે. તેનો હેતુ VGGS 2024 દ્વારા ગુજરાતને 'ગેટવે ટુ ધ ફ્યુચર' તરીકે ઉજાગર કરવાનો છે.  

આ રોડ-શો દરમિયાન વાઈબ્રન્ટ ગુજરાત પરની ઓડિયો-વિઝ્યુઅલ ફિલ્મ દર્શાવવામાં આવશે અને ગુજરાત ઇન્ડસ્ટ્રીયલ ડેવલપમેન્ટ કોર્પોરેશનના વાઇસ ચેરમેન અને મેનેજિંગ ડિરેક્ટર, IAS, ડૉ. રાહુલ ગુપ્તા ગુજરાતમાં બિઝનેસની તકો વિશે પ્રેઝન્ટેશન આપશે.