છેલ્લા 24 કલાકમાં 59 તાલુકાઓમાં વરસાદ નોંધાયો

રાજ્યભરમાં વરસાદી વાતાવરણ જોવા મળી રહ્યું છે. છેલ્લા 24 કલાકમાં વિવિધ 159 તાલુકાઓમાં વરસાદ નોંધાયો છે. સુરતના પલસાણા અને વલસાડ-નવસારીમાં સૌથી વધુ 4 ઇંચ વરસાદ નોંધાયો છે. તાપી અને બોટાદમાં 2 ઇંચથી વધુ વરસાદ નોંધાયો છે. ગીર-સોમનાથ, અમદાવાદ, અમરેલી, ભાવનગરમાં 1.5 ઇંચથી વધુ વરસાદ નોંધાયો છે. તો ઉત્તર અને દક્ષિણ ગુજરાતમાં અતિ ભારે વરસાદની આગાહી કરવામાં આવી છે.

હવામાન વિભાગ દ્વારા ગુજરાતમાં ભારેથી અતિભારે વરસાદની આગાહી કરવામાં આવી છે, ત્યારે ગઈકાલે રાજ્યના અનેક જિલ્લાઓમાં વરસાદ ખાબક્યા બાદ આજે પણ કેટલાક જિલ્લાઓમાં વરસાદ પડવાની વકી વ્યક્ત કરવામાં આવી છે. આજે બનાસકાંઠા, પાટણ, મહેસાણા, ગાંધીનગર, અમદાવાદ, અરવલ્લી, આણંદ સહિત મધ્ય ગુજરાતના ભાગોમાં મધ્યમ વરસાદની સંભાવના છે. તો નવસારી વલસાડ, દમણ, દાદરાનગર હવેલી સહિતના વિસ્તારોમાં આજે ભારે વરસાદની સંભાવના વ્યક્ત કરવામાં આવી છે.