જામનગરના વોર્ડ 2માં ધારાસભ્ય રિવાબા જાડેજાની ગ્રાન્ટમાંથી 30 લાખ રૂ.ના ખર્ચે 'મહારાણા પ્રતાપ' લાઇબ્રેરીનું ખાતમુહૂર્ત

જામનગરના વોર્ડ 2માં ધારાસભ્ય રિવાબા જાડેજાની ગ્રાન્ટમાંથી 30 લાખરૂ.ના ખર્ચે 'મહારાણા પ્રતાપ' લાઇબ્રેરીનું ખાતમુહૂર્ત

જામનગરના વોર્ડ નંબર 2માં સ્થાનિક ધારાસભ્ય રિવાબા જાડેજા દ્વારા તેમની ગ્રાન્ટમાંથી ₹30 લાખના ખર્ચે એક ભવ્ય લાઇબ્રેરી બનાવવાની જાહેરાત કરવામાં આવી છે. આ લાઇબ્રેરીનું નામ 'મહારાણા પ્રતાપ' રાખવામાં આવ્યું છે. ધારાસભ્ય રિવાબા જાડેજાના હસ્તે આ પ્રોજેક્ટનું ખાતમુહૂર્ત કરવામાં આવ્યું.

આ નવી લાઇબ્રેરીમાં ખાસ કરીને વિદ્યાર્થીઓ અને વરિષ્ઠ નાગરિકોની જરૂરિયાતોને ધ્યાનમાં રાખીને સુવિધાઓ પૂરી પાડવામાં આવશે. લાઇબ્રેરીમાં સિવિલ સર્વિસની તૈયારી કરતા વિદ્યાર્થીઓ માટે જરૂરી પુસ્તકો અને વાંચન રૂમની વ્યવસ્થા કરવામાં આવશે. આ ઉપરાંત, સિનિયર સિટીઝન્સ માટે પણ એક અલગ વ્યવસ્થા ઊભી કરાશે, જેથી તેઓ શાંતિપૂર્ણ વાતાવરણમાં વાંચનનો આનંદ લઈ શકે. આ પહેલથી સ્થાનિક વિદ્યાર્થીઓ અને નાગરિકોને શૈક્ષણિક અને જ્ઞાનવર્ધક પ્રવૃત્તિઓ માટે એક ઉત્તમ સ્થળ મળશે.