જામનગરમાં દેશીદારૂના અડ્ડા પર દરોડા, 33 લાખનો મુદ્દામાલ જપ્ત 

જામનગર શહેર તેમજ જિલ્લામાં છેલ્લા કેટલાક સમયથી દેશી દારૂનું મોટા પ્રમાણમાં વેચાણ ચાલતું હોવાની ફરિયાદના પગલે, રેન્જ આઈ.જીની સુચનાથી જિલ્લા પોલીસ અધિક્ષક શરદ સિંઘલ દ્વારા DYSP હેઠળ જુદી જુદી 9 જેટલી ટીમો બનાવી શહેરના કેટલાક વિસ્તારમાં દરોડા પાડવામાં આવ્યા હતા. 

આ દરોડા દરમ્યાન પોલીસને અંદાજે, એક હજાર લિટર દેશી દારૂનો જથ્થો મળી આવ્યો હતો, જેને જપ્ત કરી સ્થળ પર જ તેનો નાશ કરવામાં આવ્યો હતો. તો આ તરફ બોટાદ LCB ટીમે પણ બાતમીના આધારે વિદેશી દારૂનો મોટો જથ્થો જપ્ત કર્યો હતો. બુટલેગરો દ્વારા દારૂનો જથ્થો નાના વાહનોમાં ભરી અલગ અલગ જગ્યાએ પહોચાડવાનો કારસો ચાલી રહ્યો હતો. LCB એ દારૂનો મોટો જ્થ્થો સહિત આઈશર ગાડી, અન્ય વાહનો અને મોબાઇલ સહિત કુલ 33 લાખનો મુદ્દામાલ જપ્ત કર્યો હતો.