ડાંગ જિલ્લામાં પણ આંગણવાડીના બાળકોને ઘરેબેઠા સુખડીનું વિતરણ 

કોરોના વાઇરસ કોવિડ ૧૯ સામે પ્રતિકાર માટે સાવધાનીના ભાગરૂપે રાજ્ય સરકાર કટિબદ્ધ છે. ડાંગ જિલ્લામાં પણ કલેકટર એન. કે. ડામોરના માર્ગદર્શન હેઠળ માઇક્રો પ્લાનિંગ સાથે આ હેતુસર સઘન  કામગીરી થઇ રહી છે. 

આંગણવાડીના નાના ભુલકાઓ મહામારી કાળમાં  તંદુરસ્ત રહે તે માટે હાલમાં આંગણવાડી બંધ રાખીને તમામ બાળકોને સરકાર દ્વારા તેમના ઘરે જ  ટેક હોમ રાશન આપવામાં આવે છે.

આ દરમિયાન આંગણવાડી કેન્દ્ર ખાતે સુખડી તૈયાર કરીને બાળકોને ઘેર બેઠા તેનું વિતરણ પણ થયું હતું.  આંગણવાડી કાર્યકર બહેનોએ આ સુખડી વિતરણ કર્યું હતું. બાળક દીઠ 1 કિલો સુખડીનું વિતરણ થતાં બાળકો અને વાલી ખુશ છે. આહવા, વઘઇ અને સુબીર તાલુકાઓના તમામ ગામોમાં આંગણવાડીના બાળકોમાં સુખડી વિતરણની કામગીરી થઇ રહી છે.