ડાંગ જિલ્લામાં ભારે વરસાદથી માર્ગોને નુકસાન: વન અને માર્ગ વિભાગની ટીમ સ્થળ પર રવાના

ડાંગ જિલ્લામાં પડી રહેલા ભારે વરસાદના કારણે કેટલાક વિસ્તારોમાં માર્ગોને નુકસાન પહોંચવાની ઘટનાઓ સામે આવી છે.

આજે સવારે થયેલા ધોધમાર વરસાદને કારણે એક સ્થળે માર્ગનો ભાગ ધોવાઈ જતાં વાહનવ્યવહાર પર અસર સર્જાઈ હતી. ઘટનાની માહિતી મળતા જ વન વિભાગ તથા માર્ગ અને મકાન વિભાગની ટીમ તાત્કાલિક સ્થળ પર પહોંચી હતી અને સુરક્ષાત્મક તેમજ મરામતની કાર્યવાહી હાથ ધરી પરિસ્થિતિ પર સતત નજર રાખી રહી છે.આજના બે કલાકમાં (સવારે 6 થી 8) નોંધાયેલ વરસાદ આહવા: 57 મિ.મી,વઘઈ: 56 મિ.મી,સુબીર: 40 મિ.મી,જિલ્લાનો સરેરાશ વરસાદ: 51 મિ.મી.જિલ્લા વહીવટીતંત્ર દ્વારા નાગરિકોને અપીલ કરવામાં આવી છે કે ભારે વરસાદ દરમિયાન બિનજરૂરી મુસાફરી ટાળવી, નદી-નાળાઓ તેમજ ધોવાણગ્રસ્ત માર્ગોની નજીક ન જવું અને પ્રશાસનની સૂચનાઓનું ચુસ્તપણે પાલન કરવું.