ડાંગ જિલ્લા પોલીસ વિભાગ દ્વારા "પ્રવાસી મિત્ર" યોજનાની કરવામાં આવી શરૂઆત

ડાંગ જિલ્લા પોલીસ વિભાગ દ્વારા "પ્રવાસી મિત્ર" યોજનાની કરવામાં આવી શરૂઆત

ડાંગ જિલ્લા પોલીસ વિભાગ દ્વારા "પ્રવાસી મિત્ર" યોજનાની શરૂઆત કરવામાં આવી છે. પોલીસ હેડ કવાર્ટર આહવા ખાતે યોજાયેલા આ કાર્યક્રમમાં જિલ્લા કલેક્ટરે પાયલોટ પ્રોજેક્ટ તરીકેની શરૂ કરાયેલી "પ્રવાસી મિત્રો"ની યોજના જિલ્લામાં આવનારા પ્રવાસીઓને ઉપયોગી નીવડશે. તેમણે જણાવ્યું કે આ યોજના પ્રવાસીઓની સુરક્ષા તેમજ તેઓને જરૂરી માહિતી પુરી પાડવા માટે પણ ખુબ જ ઉપયોગી સાબિત થશે.

"પ્રવાસી મિત્ર" યોજના હેઠળ ગ્રામરક્ષક દળના 20 જેટલા સભ્યોને વિશેષ તાલીમ આપવામાં આવી છે. આ સુરક્ષાકર્મીઓ જિલ્લામા આવનાર પ્રવાસીઓને QR-Code દ્વારા માર્ગદર્શન આપશે. જિલ્લામાં રાત્રી રોકાણના સ્થળો અંગેની માહિતી પણ આપશે, તેમજ લોકોને પોલીસ વિભાગની સુરક્ષા અંગેની તમામ સેવાઓ વિશે માહિતગાર કરશે