તાપી જિલ્લામાં પોલીસ જવાનો મેડિકલ હેલ્થ સેન્ટર શરૂ કરાયું

પોલીસ વિભાગના જવાનો સહિત તેમના પરિવારજનો આરોગ્ય લક્ષી સેવા નિઃશુલ્ક લઈ શકશે.

તાપી જિલ્લાના વ્યારા ખાતે પોલીસ જવાનો માટેનું મેડિકલ હેલ્થ સેન્ટરનું લોકાર્પણ જિલ્લા પોલીસ વડાના હસ્તે કરવામાં આવ્યું હતું. આ સેન્ટરમાં પોલીસ વિભાગના જવાનો સહિત તેમના પરિવારજનો આરોગ્ય લક્ષી સેવા નિઃશુલ્ક લઈ શકશે તેવું જિલ્લા પોલીસ વડાએ જણાવ્યું હતું.

સંવેદનશીલ એવી સરકારે પોલીસ વિભાગમાં ફરજ બજાવતા જવાનોની આરોગ્ય અંગેની ચિંતા કરી ગુજરાતના દરેક જિલ્લામાં એક મેડિકલ હેલ્થ સેન્ટર શરુ કરાયું છે. જેમાં પોલીસ વિભાગમાં ફરજ બજાવતા જવાનો અને તેમના પરિવારજનોને મફતમાં આરોગ્યલક્ષી સેવા મેળવી શકશે. જેથી તેમને તાત્કાલિક સારવાર મળી રહે. આ સેવાનો લાભ જિલ્લાના 600 જેટલા પોલીસ જવાનોની સાથે તેમના પરિવારજનોને મળશે.