દક્ષિણ ગુજરાતના એક ખેડૂતે એક વિઘામાં બ્લેક રાઈસનુ વાવેતર કર્યું

દક્ષિણ ગુજરાતના ખેડૂતો અલગ અલગ પ્રકારના ડાંગરની ખેતી કરતા આવ્યા છે. ત્યારે મૂળ તાપી જિલ્લામાં રહેતા અને મહુવાના અંતરિયાળ ગામે ખેતીના વ્યવસાય સાથે જોડાયેલા ખેડૂત યુજીસ દરબાર નામ ના ખેડૂતે આ વખતે એક વિઘામાં બ્લેક રાઈસનું બિયારણ છત્તીસગઢથી લાવી રોપણ કર્યું. તેમાં મહદઅંશે સફળતા મળી છે, જોકે આ બ્લેક રાઈસનો ઉતાર અન્ય ડાંગર કરતા ઓછો આવે છે, પણ આ બ્લેક રાઈસ બજારમાં 400 રૂપિયે કિલો છૂટક વહેંચાય છે. જેને પગલે ખેડૂતને સારી આવક મળી રહે છે તો બીજી તરફ ગંભીર બીમારી ઓ જેવી કે કેન્સર , ડાયાબીટીસ, બ્લડપ્રેશરના દર્દીઓ માટે અત્યંત લાભદાયક હોવાનું પણ માનવામાં આવે છે. બ્લેક રાઈસ માં મહદ અંશે ઓક્સિજન નું પ્રમાણ , વિટામીન ડી, કેલ્શિયમ અને ફાયબર ની માત્રા થી ભરપૂર હોવાને લઈ સ્વાસ્થ્ય માટે અતિ પૌષ્ટિક હોવાનું મનાય છે.