પંચામૃત ડેરીએ દૂધના ફેટના ભાવમાં 10 રૂપિયાનો કર્યો વધારો

દિવાળીને હવે ગણતરીના દિવસો બાકી રહ્યાં છે ત્યારે પશુપાલકોની આર્થિક સધ્ધરતા વધે તેવા હેતુસર દિવાળીના આ શુભ પ્રસંગે દૂધના ખરીદ ભાવમાં પ્રતિ કિલો ફેટે 10 રૂપિયાનો વધારો કરવાનું જાહેર કરવામાં આવ્યું છે.

પંચમહાલ જિલ્લાની પંચામૃત ડેરી દ્વારા દૂધના ફેટના ભાવમાં 10 રૂપિયાનો વધારો કરવામાં આવ્યો છે જેને લઈને પશુપાલકોમાં ખુશીનો માહોલ જોવા મળ્યો છે. દિવાળીને હવે ગણતરીના દિવસો બાકી રહ્યાં છે ત્યારે પશુપાલકોની આર્થિક સધ્ધરતા વધે તેવા હેતુસર દિવાળીના આ શુભ પ્રસંગે દૂધના ખરીદ ભાવમાં પ્રતિ કિલો ફેટે 10 રૂપિયાનો વધારો કરવાનું જાહેર કરવામાં આવ્યું છે. આ સાથે જ પ્રતિ કિલો ફેટના 680 રૂપિયાથી વધીને 690 રૂપિયા થયા છે. જ્યારે પશુદાણની કિંમતમાં ઘટાડો કરવામાં આવ્યો છે. પશુદાણની પ્રતિ 25 કિલોગ્રામની બેગ પર 25 રૂપિયા, 50 કિલોગ્રામની બેગ પર 50 રૂપિયા તેમજ 70 કિલોગ્રામની બેગ પર 70 રૂપિયાનો ઘટાડો કરવામાં આવ્યો છે. જેનો સીધો ફાયદો જિલ્લાના તમામ પશુપાલકોને થશે.