ભરૂચ: નર્મદા નદી પર બનેલા બ્રિજનું આવતીકાલે નાયબ મુખ્યમંત્રીના હસ્તે લોકાર્પણ

ભરૂચ જિલ્લામાં સ્થિત નર્મદા નદીને પસાર કરવા ભરૂચ નજીક નેશનલ હાઇવે અને સ્ટેટ હાઇવે પરના બ્રિજમાં હંમેશાથી ટ્રાફિકની સમસ્યાઓ સર્જાય છે. પરંતુ આવતીકાલથી ભરૂચને આ ટ્રાફિક સમસ્યામાંથી મુક્તિ મળવા જઈ રહી છે. ભરૂચના ગોલ્ડનબ્રિજની સમાંતર નવા નર્મદા મૈયા બ્રિજનું કામ પૂર્ણ થઈ ચૂક્યું છે ત્યારે આવતીકાલે એટલે કે 12 મી જુલાઈ ને સોમવારના રોજ આ નવનિર્મિત બ્રિજનું લોકાર્પણ કરવામાં આવશે. ગુજરાતના નાયબ મુખ્યમંત્રી નીતિન પટેલ આ નવનિર્મિત બ્રીજનું આવતીકાલે લોકાર્પણ કરશે. આ બ્રિજ શરુ થતાની સાથે જ દક્ષિણ ગુજરાતથી મધ્ય ગુજરાત તરફ અવર – જવર માટે હંમેશાથી સર્જાતી ટ્રાફિકની સમસ્યા દૂર થશે અને વાહન વ્યવહારને વેગ મળશે.