ભારતીય તટરક્ષક અધિકારીને ફિક્કી કાસ્કેડ એન્ટી-કાઉન્ટરફીટિંગ અને એન્ટી-સ્મગલિંગ પુરસ્કાર એનાયત કરાયો

કચ્છ જિલ્લાના જખૌ ખાતે આવેલા ભારતીય તટરક્ષક દળ સ્ટેશનના સ્ટેશન કમાન્ડરને ફિક્કી કાસ્કેડ એન્ટી-કાઉન્ટરફીટિંગ અને એન્ટી-સ્મગલિંગ પુરસ્કાર એનાયત કરવામાં આવ્યો છે. 29 સપ્ટેમ્બર 2023ના રોજ દિલ્હી ખાતે ફિક્કી કાસ્કેડ એન્ટી-કાઉન્ટરફીટિંગ અને એન્ટી-સ્મગલિંગ પુરસ્કારનું આયોજન કરવામાં આવ્યું હતું. આ કાર્યક્રમમાં જખૌના સ્ટેશન કમાન્ડરને ફિક્કી કાસ્કેડ એન્ટી-કાઉન્ટરફીટિંગ અને એન્ટી-સ્મગલિંગ પુરસ્કાર એનાયત કરવામાં આવ્યો છે. ઈન્ડિયન કોસ્ટગાર્ડના પ્રાદેશિક મુખ્યમથક ઉત્તર પશ્ચિમ હેઠળ અગ્ર મોરચે આવતા જખૌ તટરક્ષક દળ સ્ટેશનનું  નેતૃત્વ સંભાળી રહેલા આ અધિકારીએ વર્ષ 2022-2023માં સરહદો પારથી થતી નાપાક પ્રવૃત્તિઓને અસરકારક રીતે નિષ્ફળ બનાવી હતી અને આ માટે અન્ય સુરક્ષા એજન્સીઓ સાથે સંકલન સાધીને ભારતીય તટરક્ષક દળ એકમો સાથે વિવિધ ઑપરેશન હાથ ધર્યા હતા અને 550 કરોડના માદક દ્રવ્યો પણ જપ્ત કર્યા હતા.