મહેસાણામાં BSW/MSW કોલેજમાં સેવા યાત્રા 2024 વાર્ષિક કાર્યક્રમની ઉજવણી કરવામાં આવી

HIV AIDS અને સમાજકાર્ય પુસ્તકનું વિમોચન કરવામાં આવ્યું હતું

મહેસાણા સ્થિત શહેરની નામાંકીત સાર્વજનિક કેળવણી મંડળ સંચાલિત સાર્વજનિક BSW/MSW કોલેજમાં સેવા યાત્રા 2024 વાર્ષિક કાર્યક્રમની ઉજવણી કરવામાં આવી હતી. જેમાં કોલેજના 218 વિદ્યાર્થીઓ તેમજ અગાઉ પાસ કરેલ કુલ 11 બેચના ભૂતપૂર્વ વિદ્યાર્થીઓ ખાસ ઉપસ્થિત રહ્યા હતા.

સાર્વજનિક કેળવણી મંડળના મંત્રી દિલીપભાઈ ચૌધરી, સહમંત્રી મિલનભાઈ ચૌધરી, વિંગ કમાંડર ધર્મેન્દ્ર શર્મા, જિલ્લા યુવા અધિકારી પંકજભાઈ મારેચા, ખોડિયાર સંસ્થાના પ્રોજેક્ટ ડાયરેકટર  વિષ્ણુભાઇ ચૌધરી, રિજિયોનલ ડાયરેકટર 181  ફાલ્ગુની પટેલ, પ્રથમ સંસ્થામાંથી ચિરાગભાઈ વ્યાસ , કોલેજના પ્રિન્સીપાલ ડો. ક્રાંતિબેન ત્રિવેદી વગેરે મહાનુભાવોના હસ્તે કોલેજમાં વિશિષ્ટ સિધ્ધિ હાંસલ કરેલ તેજસ્વી વિદ્યાર્થીઓને શિલ્ડ અને પ્રમાણપત્રો એનાયત કરી સન્માનિત કરવામાં આવ્યા હતા.  

નહેરુ યુવા કેન્દ્ર સંયોજક તેમજ સ્વાયત સંસ્થાના પ્રતિનિધિનું સન્માન કરવામાં આવ્યું હતું. તેમજ ડિગ્રી મેળવેલ વિદ્યાર્થીઓને ડિગ્રી પ્રમાણપત્રો પણ એનાયત કરવામાં આવ્યા હતા. કોલેજના છેલ્લા વર્ષમાં અભ્યાસ કરી રહેલ વિદ્યાર્થિની બાવા તન્વી દ્વારા લખવામાં આવેલ HIV AIDS અને સમાજકાર્ય પુસ્તકનું વિમોચન કરવામાં આવ્યું હતું. 

તે ઉપરાંત કાર્યક્રમમાં સાંસ્કૃતિ કાર્યક્રમોનું પણ આયોજન કરવામાં આવ્યું હતું. તેની વિદ્યાર્થીઓ દ્વારા પ્રસ્તુત કરાયેલા કાર્યક્રમોમાં ખાસ કરીને વિદ્યાર્થીઓના વાલીઓ ઉપસ્થિત રહેવા માટે આમંત્રણ આપવામાં આવ્યું હતું.