મુખ્યમંત્રી ભુપેન્દ્ર પટેલ આજથી શરૂ થતા રાષ્ટ્રીય ખેલ મહોત્સવની પૂર્વ સંધ્યાએ ગઈકાલે સંસ્કાર ધામ ખાતે સ્પોર્ટ્સ કોન્કલેવ 2022નો પ્રારંભ કરાવ્યો

મુખ્યમંત્રી ભુપેન્દ્ર પટેલ આજથી શરૂ થતા રાષ્ટ્રીય ખેલ મહોત્સવની પૂર્વ સંધ્યાએ ગઈકાલે સંસ્કાર ધામ ખાતે સ્પોર્ટ્સ કોન્કલેવ 2022નો પ્રારંભ કરાવ્યો. આ પ્રસંગે મુખ્યમંત્રી ભુપેન્દ્ર પટેલે ખેલાડીઓને હિંમત ન હારવાનો જીતમંત્ર આપતા કહ્યું કે, રાજ્ય સરકાર દ્વારા ખુબ જ ઓછા સમયમાં રાષ્ટ્રીય રમતોત્સવનું આયોજન સાકાર થયું છે.

રાજ્ય રમત-ગમત મંત્રી હર્ષ સંઘવીએ આ પ્રસંગે માહિતી આપતા કહ્યું કે, દેશભરના ખેલાડીઓનો જુસ્સો વધારવા ગુજરાત તૈયાર અને તત્પર છે. કોન્કલેવમાં પી.વી.સિંધુ, વી.વી.એસ.લક્ષ્મણ, અંજુ બોબી જ્યોર્જ સહિતના દેશના પ્રસિદ્ધ ખેલાડીઓની ઉપસ્થિતિમાં રાષ્ટ્ર નિર્માણમાં રમત-ગમતની ભૂમિકા અને નવી શિક્ષણ નીતિ અને સ્પોર્ટ્સ જેવા વિષયો પર ચર્ચા સત્રો યોજાયા હતા.